മലപ്പുറം: രാമക്ഷേത്ര നിര്മ്മാണവുമായി ബന്ധപ്പെട്ട് അടിയന്തര നേതൃയോഗം വിളിച്ച് മുസ്ലീം ലീഗ്. നാളെ രാവിലെ പത്ത് മണിയ്ക്കാണ് യോഗം വിളിച്ചിരിക്കുന്നത്. രാമക്ഷേത്ര നിര്മ്മാണത്തെ പിന്തുണച്ച് കോണ്ഗ്രസ് നേതാക്കള് നിരന്തരം നടത്തുന്ന പ്രസ്താവനകളില് മുസ്ലീം ലീഗിന് കടുത്ത അമര്ഷമുണ്ട്. ക്ഷേത്ര നിര്മ്മാണത്തെ പിന്തുണച്ച് പ്രിയങ്ക ഗാന്ധി കൂടി രംഗത്തെത്തിയതോടെയാണ് നേതൃയോഗം വിളിക്കാന് ലീഗ് നിര്ബന്ധിതരായത്. കോണ്ഗ്രസ് നേതാക്കളുടെ പ്രതികരണങ്ങളോട് ലീഗ് അതൃപ്തി പ്രകടിപ്പിച്ചു. നേരത്തെ തന്നെ കോണ്ഗ്രസ് നേതാക്കളെ വിമര്ശിച്ച് സമസ്ത രംഗത്തെത്തിയിരുന്നു.
പ്രിയങ്ക ഗാന്ധിയും മറ്റ് കോണ്ഗ്രസ് നേതാക്കളും ക്ഷേത്ര നിര്മ്മാണത്തെ അനുകൂലിച്ച് നടത്തുന്ന പ്രസ്താവനയോട് യോജിപ്പില്ലെന്നാണ് ലീഗ് നേതാക്കളുടെ അഭിപ്രായം. നാളെ നടക്കുന്ന നേതൃയോഗത്തിന് ശേഷം മുസ്ലീം ലീഗ് നിലപാട് പരസ്യമായി പ്രഖ്യാപിക്കും. പള്ളി പൊളിച്ച് ക്ഷേത്രം പണിയുന്നതിനോട് എതിര്പ്പാണെന്നും എന്നാല് രാമക്ഷേത്ര നിര്മ്മാണത്തെ പിന്തുണയ്ക്കുമെന്നുമാണ് കോണ്ഗ്രസ് നിലപാട്. കമല്നാഥ് അടക്കമുള്ള മുതിര്ന്ന നേതാക്കള് രാമക്ഷേത്ര നിര്മ്മാണത്തെ സ്വാഗതം ചെയ്ത് രംഗത്തെത്തിയിരുന്നു.
പുതിയ ക്ഷേത്രത്തിന്റെ ഭൂമിപൂജ പ്രധാനമന്ത്രി നരേന്ദ്ര മോദി നാളെ നിര്വ്വഹിക്കും. ആഘോഷങ്ങള്ക്ക് തുടക്കമായി അയോദ്ധ്യ നഗരം ഇന്ന് വൈകീട്ട് ദീപാലംകൃതമാകും. കേന്ദ്ര സേനയുടെ നേതൃത്വത്തില് കനത്ത സുരക്ഷാവലയത്തില് കൊവിഡ് പ്രതിരോധ മാനദണ്ഡങ്ങള് പാലിച്ചാണ് ചടങ്ങുകള് നടക്കുന്നത്.
