കൊച്ചി : മുത്തൂറ്റ് ഫിനാന്സ് മാനേജ്മെന്റിനെതിരെ തൊഴിലാളികള് വീണ്ടും സമരത്തിലേക്ക്. സൂചന എന്ന രീതിയില് സംസ്ഥാന വ്യാപകമായി മുത്തൂറ്റ് ഫിനാന്സ് സ്ഥാപനങ്ങളില് നവംബര് 23, 24, 25 എന്നീ തീയതികളില് പണിമുടക്ക് നടത്താനാണ് തീരുമാനം. 164 തൊഴിലാളികളെ പിരിച്ചു വിട്ടിട്ട് 11 മാസം തികയുന്ന സാഹചര്യത്തിലാണ് ജീവനക്കാര് വീണ്ടും സമരത്തിലേക്ക് നീങ്ങുന്നത്.
2020 ജനുവരി 2 മുതല് സംസ്ഥാന വ്യാപകമായി നോണ് ബാങ്കിംഗ് ആന്ഡ് പ്രൈവറ്റ് ഫിനാന്സ് എംപ്ലോയീസ് അസോസിയേഷന് (CITU) നേതൃത്വത്തില് മുത്തൂറ്റ് ഫിനാന്സ് ജീവനക്കാര് നടത്തിവന്ന അനിശ്ചിത കാല പണിമുടക്ക് മാര്ച്ച് 26ന് അവസാനിപ്പിച്ചിരുന്നു.
