പന്തളം : മുട്ടാർ റസിഡൻസ് അസോസിയേഷൻ ഈ വർഷത്തെ ഓണാഘോഷം “ആദരവ് 2024” സെപ്റ്റംബർ 28ആം തീയതി ശനിയാഴ്ച വിപുലമായ പരിപാടികളോടുകൂടി ആഘോഷിച്ചു. രാവിലെ എട്ടുമണിക്ക് അസോസിയേഷൻ രക്ഷാധികാരി പതാക ഉയർത്തി. തുടർന്ന് അസോസിയേഷൻ കുടുംബാംഗങ്ങൾ അത്തപ്പൂക്കളം ഒരുക്കുകയും കസേരകളി , മിഠായി പെറുക്കൽ , റൊട്ടി കടി , കുപ്പിയിൽ വെള്ളം നിറക്കൽ , വഞ്ചിപ്പാട്ട് , തിരുവാതിര , വടംവലി , ഉറിയടി തുടങ്ങി വിവിധ കലാകായിക മത്സര പരിപാടികൾ നടത്തുകയും ചെയ്തു. ഉച്ചയ്ക്ക് വിപുലമായ ഓണസദ്യയും ഒരുക്കിയിരുന്നു. അസോസിയേഷൻ പ്രസിഡൻറ് ഇ എസ് നുജുമുദ്ദീന്റെ അധ്യക്ഷതയിൽ കൂടിയ ആഘോഷ പരിപാടികൾ സെക്രട്ടറി വൈ റഹിം റാവുത്തർ സ്വാഗതം ആശംസിച്ചു. അടൂർ ഡെപ്യൂട്ടി പോലീസ് സൂപ്രണ്ട് ജി സന്തോഷ് കുമാർ ആഘോഷ പരിപാടികൾ ഉദ്ഘാടനം ചെയ്തു.
പന്തളം പോലീസ് സർക്കിൾ ഇൻസ്പെക്ടർ റ്റി ഡി പ്രജീഷ് മുഖ്യപ്രഭാഷണം നടത്തി. നഗരസഭ കൗൺസിലർ രത്നമണി സുരേന്ദ്രൻ മുഖ്യാതിഥിയായിരുന്നു. ചടങ്ങിൽ അസോസിയേഷനിൽ ഉൾപ്പെട്ട ഉന്നത ഉദ്യോഗസ്ഥരായ വ്യക്തികളെയും ഈ വർഷം പത്താം ക്ലാസ് മുതൽ ഉയർന്ന പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെയും മെമെന്റോ നൽകി ആദരിച്ചു. ഓണാഘോഷ പരിപാടിയുടെ ഭാഗമായി നടന്ന കലാകായിക മത്സര വിജയികൾക്കും ട്രോഫികൾ നൽകി ആദരിക്കുകയുണ്ടായി. കേരള ആംഡ് പോലീസ് മൂന്നാം ബറ്റാലിയൻ അസിസ്റ്റൻറ് കമാൻഡൻറ് ഷിയാസ് എസ് , പത്തനംതിട്ട ജില്ല ഡെപ്യൂട്ടി കളക്ടർ ബീന എസ് ഹനീഫ് , റിട്ട. ജില്ലാ സപ്ലൈ ഓഫീസർ അനിൽ എം , പ്രശസ്ത ഓർത്തോ കൺസൾട്ടൻസി സർജൻ ഡോ. അബ്ദുറഹ്മാൻ , പ്രശസ്ത ലേസർ ട്രീറ്റ്മെൻറ് – കീഹോൾ സർജറി സ്പെഷ്യലിസ്റ്റ് ഡോ. ഫാരിഷ് ഷംസുദ്ദീൻ , ഈ വർഷം എം ബി ബി എസ് , എൻജിനീയറിങ് , ബിരുദാനന്തര ബിരുദം തുടങ്ങി എസ്എസ്എൽസി മുതൽ ഉന്നത വിജയം കരസ്ഥമാക്കിയ വരെയാണ് യോഗത്തിൽ മെമെന്റോ നൽകി ആദരിച്ചത്.
ചടങ്ങിൽ ഡോ. സാബുജി വർഗീസ് , സലീം റാവുത്തർ , അബ്ദുൽസലാം , മുഹമ്മദ് ഷാ , സുനി സാമുവൽകുട്ടി , ഇ എസ് മുജീബുദ്ധീൻ , തോമസ് കുഞ്ഞുകുട്ടി , കെ ജി ജനാർദ്ദനൻ , മധു കുമാർ ബി നായർ , കെ ലത്തീഫ് , ഷെരീഫ് , എം ഡി ജോസ് , അശോക് കുമാർ , ജോസ് പി കെ , നജീർ , ഹസീന റഹ്മത്ത് , നിസാ ജെ , പി എച്ച് എ കബീർ , ജെസ്സി സാമുവൽ കുട്ടി , സജ്ന സക്കീർ , ലിസി രാജു , പി എ ഷുക്കൂർ , ഷീന ഷാലു , ലില്ലിക്കുട്ടി , സുനിത രവി ,ജയബോയ് ജോർജ് , ജീജഭായ് തുടങ്ങിയവർ സംസാരിച്ചു.
