മുഴപ്പിലങ്ങാട് : കടലിൽ കല്ലുമ്മക്കായ പറിച്ചുകൊണ്ടിരിക്കെ ഒരാളെ കാണാതായി. ശനിയാഴ്ച വൈകീട്ട് നാലിനാണ് സംഭവം. മുഴപ്പിലങ്ങാട് തെറിമ്മൽ വടക്കെ തയ്യിൽ വീട്ടിൽ രാഗേഷാണ് (45) അപകടത്തിൽപെട്ടത്. തെറിമ്മൽ കടപ്പുറത്ത് കല്ലുമ്മക്കായ പറിച്ചുകൊണ്ടിരിക്കെ ഒഴുക്കിൽപ്പെട്ടതായാണ് കരുതുന്നത്.
രാത്രി വൈകിയും തിരച്ചിൽ തുടർന്നെങ്കിലും കണ്ടെത്താനായില്ല. കോസ്റ്റ് ഗാർഡും മത്സ്യ ത്തൊഴിലാളികളും എടക്കാട് പോലീസുമാണ് തിരച്ചിലിന് നേതൃത്വം കൊടുക്കുന്നത്.