പത്തനംതിട്ട: മൂഴിയാറില് നിന്നും കാണാതായ പത്താം ക്ലാസുകാരിയും ഒപ്പമുണ്ടായിരുന്ന സ്വകാര്യ ബസ് ഡ്രൈവറും പോലീസ് കസ്റ്റഡിയില്. ഇവരെ കോട്ടയം ബസ് സ്റ്റാന്ഡിന് സമീപത്തെ ലോഡ്ജില് നിന്നും പോലീസ് കസ്റ്റഡിയില് എടുത്തത്. ഇവരെ ഇന്ന് തന്നെ മൂഴിയാര് സ്റ്റേഷനില് എത്തിക്കും. തുടര്ന്ന് പെണ്കുട്ടിയെ വൈദ്യപരിശോധനയ്ക്ക് വിധേയമാക്കിയ ശേഷം ഇരുവരെയും കോടതിയില് ഹാജരാക്കും. പീഡനം നടന്നിട്ടുണ്ടെങ്കില് പ്രതിയായ ബസ് കണ്ടക്ടര്ക്കെതിരെ പോക്സോ നിയമ പ്രകാരം കേസ് രജിസ്റ്റര് ചെയ്യും.
വിവാഹിതനും ഒരു കുട്ടിയുടെ പിതാവുമായ സ്വകാര്യ ബസ് ഡ്രൈവര് ഇന്ന് പുലര്ച്ചെ നാലിനാണ് പെണ്കുട്ടിയുമായി നാടുവിട്ടത്. ആവേ മരിയ എന്ന സ്വകാര്യ ബസിന്റെ ഡ്രൈവര് ചിറ്റാര് പേഴുംപാറ സ്വദേശി ഷിബിനൊപ്പ(33)മാണ് പെണ്കുട്ടി പോയത്. കൊച്ചുകോയിക്കല് എന്ന സ്ഥലത്ത് വാടകയ്ക്ക് താമസിക്കുകയാണ് ഇയാള്. മാതാവിന്റെ ഫോണില് നിന്നാണ് പെണ്കുട്ടി ഷിബിനെ വിളിച്ചിരുന്നത്.
മകളുടെ പെരുമാറ്റത്തില് അസ്വാഭാവികത അനുഭവപ്പെട്ട മാതാവ് ഫോണില് റെക്കോഡിങ് ഓപ്ഷന് ഇട്ടിരുന്നു. ഇന്ന് പുലര്ച്ചെ നാടുവിടാനുള്ള തീരുമാനം അങ്ങനെ മാതാവ് അറിയുകയും ചെയ്തിരുന്നു. പെണ്കുട്ടിക്ക് മാതാവ് കാവലിരിക്കുന്നതിനിടെയാണ് പുലര്ച്ചെ നാലിന് കണ്ണുവെട്ടിച്ച് പെണ്കുട്ടി കടന്നു കളഞ്ഞതെന്നാണ് മാതാവ് പോലീസിന് നല്കിയിരിക്കുന്ന മൊഴി. മകളെ കാണാനില്ലെന്ന് അറിഞ്ഞതോടെ മാതാവ് ഷിബിന്റെ നമ്പറിലേക്ക് വിളിച്ചു. നിങ്ങളുടെ മകള് എന്റെ കൈയില് സേഫായിരിക്കുമെന്ന് പറഞ്ഞ് ഇയാള് ഫോണ് ഓഫ് ചെയ്യുകയായിരുന്നു.