തൊടുപുഴ: ബൈക്കെടുത്ത് കറങ്ങാനിറങ്ങിയ കുട്ടി ഡ്രൈവര്ക്കെതിരെ നടപടിയെടുത്ത് മോട്ടോര് വെഹിക്കിള് വകുപ്പ്. കഴിഞ്ഞ ദിവസം ഉടുമ്പുംചോല ജോയിന്റ് ആര്ഡിഒ പരിധിയില് ചുറ്റിക്കറങ്ങിയ വിദ്യാര്ഥിയെയാണ് അധികൃതര് പിടികൂടിയത്. മാതാപിതാക്കള്ക്ക് പതിനായിരം രൂപ പിഴ ചുമത്തി. മോട്ടര് വാഹനവകുപ്പ് ഉദ്യോഗസ്ഥരെ കണ്ട് കുട്ടി വാഹനം ഉപേക്ഷിച്ച് സമീപത്തെ കാട്ടില് ഒളിച്ചിരുന്നു.
എന്നാല് അധികൃതര് വാഹനത്തിന്റെ രജിസ്റ്റര് നമ്പര് പരിശോധിച്ച് ഉടമയെ കണ്ടെത്തി. തുടര്ന്ന് മാതാപിതാക്കളെ വിവരമറിയിക്കുകയായിരുന്നു. റോഡിലെത്തിയ കുട്ടി വാഹനവകുപ്പ് ഉദ്യോഗസ്ഥരെ കണ്ട് ഭയന്ന് സമീപത്തെ തെയിലക്കാട്ടില് ഒളിച്ചു. തുടര്ന്ന് മാതാപിതാക്കളുടെ സഹായത്തോടെ മണിക്കൂറോളം അനുനയ നീക്കങ്ങള് നടത്തിയാണ് കുട്ടിയെ ഒളിത്താവളത്തില് നിന്നും പുറത്തെത്തിച്ചത്.
