മാനന്തവാടി : സാധാരണക്കാരന്റെ വാഹനം റോഡിലിറങ്ങണമെങ്കില് മോട്ടോര് വാഹന വകുപ്പ് അനുശാസിക്കുന്ന നിയമങ്ങള് ശരിയാണെന്ന് ഉറപ്പു വരുത്താന് ജാഗ്രത പാലിക്കുന്ന ഉദ്യോഗസ്ഥര് സര്ക്കാര് വാഹനം എന്ത് നിയമലംഘനം കാണിച്ചാലും കണ്ടില്ലെന്ന് നടിക്കുന്നു. മാനന്തവാടി ബ്ലോക്ക് പഞ്ചായത്ത് പ്രസിഡന്റിന്റെ ഔദ്യോഗിക വാഹനമാണ് ഒരു വര്ഷമായി ഇന്ഷുറന്സ് പരിരക്ഷയില്ലാതെ ഓടുന്നത്.
KL 12 G 45 20 സൈലോ വാഹനത്തിന്റെ ഇന്ഷുറന്സ് കാലാവധി 2021 ജൂലൈ 25 ന് അവസാനിച്ചതാണ്. ബ്ലോക്ക് പഞ്ചായത്ത് സെക്രട്ടറിയുടെ പേരിലാണ് വാഹനം. നിയമം ലംഘിച്ച് ഒരു വര്ഷത്തിലധികമായി ഓടുന്ന ഈ വാഹനം ഇതുവരെ പരിശോധിക്കാന് മോട്ടോര് വാഹന വകുപ്പ് തയാറാകാത്തതില് ദുരൂഹതയുണ്ട്. ഈ വാഹനം അപകടം സംഭവിച്ചാല് ഇരകള്ക്ക് നഷ്ടപരിഹാരം പോലും ലഭിക്കാത്ത സ്ഥിതിയാണ് നിലവിലുള്ളത്. സര്ക്കാര് വാഹനമായതിനാല് പോലീസ് ഈ വാഹനം പരിശോധിക്കാറുമില്ല.
