തിരുവനന്തപുരം : കെപിസിസി പട്ടികയില് നിന്ന് ഭാരവാഹികളടക്കം പുറത്ത്. കെപിസിസി ട്രഷററും ജനറല് സെക്രട്ടറിമാര്ക്കും പട്ടികയില് ഇടമില്ല. കെപിസിസി അധ്യക്ഷ പദവിയില് സമവായം. നാളെ ചേരുന്ന ജനറല് ബോഡി യോഗത്തില് കെ.സുധാകരനെ വീണ്ടും കെപിസിസി അധ്യക്ഷനായി തെരഞ്ഞെടുക്കാന് ധാരണ. അധ്യക്ഷ പദവിയില് തുടരാമെന്ന് ഉറപ്പ് കിട്ടിയതോടെ കെ.സുധാകരന് വഴങ്ങി.
പഴയ പട്ടികയില് നിന്ന് കെസി വേണുഗോപാല് പറഞ്ഞവരെ ഒഴിവാക്കി. ഉമ്മന്ചാണ്ടിക്കും ചെന്നിത്തലക്കും പരാതിയില്ലാത്ത പ്രാതിനിധ്യം. വിഡി.സതീശന് കരിമ്പട്ടികയില് ഉള്പ്പെടുത്തിയ എന്എസ്.നുസൂറടക്കമുള്ളവര് അവസാന നിമിഷം പുറത്തേക്ക്. മികവ് തെളിയിച്ചില്ലെന്ന് ചുണ്ടിക്കാട്ടി കെപിസിസി ഭാരവാഹികള് അടക്കമുള്ളവരെ ഒഴിവാക്കി.