പൂനൈ : പൂനൈയിലെ പിംപ്രിയിലുണ്ടായ വാഹനാപകടത്തില്‍ മലയാളി ഡോക്ടര്‍ക്ക് ദാരുണാന്ത്യം. യാക്കോബായ സഭ കോഴിക്കോട് ഭദ്രാസനാധിപന്‍ മോര്‍ ഐറേനിയോസ് പൗലോസ് മെത്രാപ്പൊലീത്തയുടെ സഹോദരിയുടെ മകളും മാളിയേക്കല്‍ റിമിന്‍ ആര്‍.കുര്യാക്കോസിന്‍റെ ഭാര്യയുമായ ഡോ. ജെയ്ഷ (27) യാണ് മരിച്ചത്.
ഉച്ചഭക്ഷണം കഴിച്ച ശേഷം ക്ലിനിക്കിലേക്ക് പോകുമ്പോഴായിരുന്നു അപകടം. ജെയ്ഷ സഞ്ചരിച്ച സ്‌കൂട്ടറില്‍ ട്രക്ക് ഇടിക്കുകയായിരുന്നു. അപകടത്തിന് പിന്നാലെ ട്രക്ക് നിര്‍ത്താതെ പോയി. മംഗളൂരു ചിറയില്‍ ജോണ്‍ തോമസിന്‍റെയും ഉഷ ജോണിന്‍റെയും മകളാണ് ഡോ.ജെയ്ഷ. സംസ്‌കാരം ഇന്ന് നടക്കും.
