കരിപ്പൂര് : കരിപ്പൂര് വിമാനത്താവള റണ്വേ ജനുവരി 15 മുതല് ആറ് മാസത്തേക്ക് ഭാഗികമായി അടച്ചിടും. രാവിലെ 10 മുതല് വൈകിട്ട് ആറു വരെയാണ് റണ്വേ അടച്ചിടുന്നത്. ഇതു കണക്കിലെടുത്ത് വിമാന സര്വീസുകള് വൈകിട്ട് ആറു മുതല് രാവിലെ 10 വരെയുള്ള സമയത്തേക്ക് പുനക്രമീകരിച്ചു. 2020 ലെ വിമാനാപകടത്തിന്റെ പശ്ചാത്തലത്തില് നിയോഗിക്കപ്പെട്ട അന്വേഷണ കമ്മീഷന്റെ നിര്ദേശ പ്രകാരമാണ് നവീകരണങ്ങള് നടക്കുന്നത്. റണ്വേയുടെ ഉപരിതലം ബലപ്പെടുത്തുന്ന ടാറിങ് ജോലികളാണ് 15ന് ആരംഭിക്കുക.
ഇതോടൊപ്പമാണ് റണ്വേയുടെ മധ്യഭാഗത്ത് ലൈറ്റിങ് സംവിധാനം സ്ഥാപിക്കുക. ലൈറ്റിങ് സംവിധാനം വരുന്നതോടെ രാത്രിയിലും മഞ്ഞുളള സമയങ്ങളിലും വിമാനഗതാഗതം സുഗമമാവും. ആറു മാസത്തിനകം പ്രവൃത്തി പൂര്ത്തിയാക്കാനാണ് കരാര് നല്കിയിരിക്കുന്നത്. ആഭ്യന്തര സര്വീസുകളെയാണ് റണ്വേ നവീകരണം പ്രധാനമായും ബാധിക്കുക. പകല് സമയത്തെ ഡല്ഹി മുംബൈ സര്വീസുകള് പുനക്രമീകരിച്ചിട്ടുണ്ട്. പുതിയ സമയം അറിയുന്നതിനായി വിമാനകമ്പനികളുമായി ബന്ധപ്പെടേണ്ടതാണ് എന്ന് എയര്പോര്ട്ട് ഡയറക്ടര് അറിയിച്ചു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
