കോന്നി : കോന്നി ഉപജില്ലാ കലോത്സവത്തിൽ നാദസ്വരവായനയിൽ ഒന്നാം സ്ഥാനം നേടിയത് കൈപ്പട്ടൂർ വൊക്കേഷണൽ ഹയർ സെക്കണ്ടറി സ്‌കൂൾ ഒൻപതാം ക്ലാസ്സ് വിദ്യാർത്ഥിനിയായ ദേവപ്രിയ ആണ്.കർണ്ണാടക സംഗീതജ്ഞൻ ആയ മുത്തുസ്വാമി ദീക്ഷിതർ രചിച്ച ” വാതാപി ഗണപതിം ഭജേ ” എന്ന കീർത്തനമാണ് നാദസ്വരത്തിൽ ദേവപ്രീയ വായിച്ചത്.നാലര വർഷമായി നാദസ്വരം അഭ്യസിക്കുന്ന ദേവപ്രീയ ആദ്യമായാണ് സ്‌കൂൾ തലത്തിൽ ദേവപ്രീയക്ക് ഒന്നാം സ്ഥാനം ലഭിക്കുന്നത്.
കലാപീഠം ഓമല്ലൂർ വിജയകൃഷണന്റെ കീഴിൽ നാലര വർഷമായി നാദസ്വരം അഭ്യസിക്കുന്ന ദേവപ്രീയ ക്ഷേത്രങ്ങളിൽ അടക്കം നാദസ്വര കച്ചേരി അവതരിപ്പിക്കാറുണ്ട്. കൈപ്പട്ടൂർ കുടമുക്കിൽ ബുക്ക് ചെയ്ത നാദസ്വര കച്ചേരി നടത്തിയതിന് ശേഷമാണ് ദേവപ്രിയ മത്സരത്തിൽ പങ്കെടുക്കാൻ എത്തിയത്.ദേവപ്രീയയുടെ സഹോദരി കൃഷണപ്രിയയും നാലരവർഷമായി നാദസ്വരം അഭ്യസിക്കുന്നുണ്ട്.സഹോദരിമാർ ഇരുവരും ചേർന്നാണ് നാദസ്വര കച്ചേരികൾക്ക് പോകുന്നത്.പഞ്ചവാദ്യ കലാകാരനായ ചന്ദനപ്പള്ളി കുടമുക്ക് വിനോദ് ഭവനം വി വിനോദിന്റെയും സംഗീതയുടെയും മകളാണ് ദേവപ്രീയ.
