എടക്കര: നാടുകാണി ചുരത്തില് ലോറിയും ബൈക്കും കൂട്ടിയിടിച്ചുണ്ടായ അപകടത്തില് ബൈക്ക് യാത്രികനായ യുവാവ് മരിച്ചു. എടക്കര അറണാടംപാടം തേവത്ത് വളപ്പില് ലത്തീഫിന്റെ മകന് ജൈസല് മോന് (24) ആണ് മരിച്ചത്. ചൊവ്വാഴ്ച രാത്രി 10 മണിയോടെയാണ് അപകടം നടന്നത് . തമിഴ്നാട്ടില് നിന്ന് വരികയായിരുന്ന ലോറിയാണ് ബൈക്കിലിടിച്ചതാണെന്നാണ് വിവരം.
ബൈക്ക് പൂര്ണമായും ലോറിക്കടിയില്പ്പെട്ടു. സംഭവത്തില് പരിക്കേറ്റ മറ്റ് രണ്ട് പേരെ സ്വകാര്യ ആശുപത്രിയില് പ്രവേശിപ്പിച്ചു. ബൈക്ക് ഓടിച്ച ജൈസല് മോന് സംഭവസ്ഥലത്ത് വെച്ച് തന്നെ മരിച്ചു. മൃതദേഹം നിലമ്പൂര് ജില്ലാ ആശുപത്രി മോര്ച്ചറിയില്. മാതാവ് – ഉമ്മുസല്മ. സഹോദരങ്ങള് – ജാഫര്, ജുബൈരിയ, ജുമൈല.
