ന്യൂഡല്ഹി : ഇന്ത്യയിലെ ശാസ്ത്രസമൂഹത്തെയും മികച്ച സ്ഥാപനങ്ങളെയും പ്രകീര്ത്തിച്ച് പ്രധാനമന്ത്രി നരേന്ദ്ര മോദി. കോവിഡ് വ്യാപനത്തിനിടെ ഇന്ത്യയുടെ ഏറ്റവും വലിയ കരുത്ത് ഇവരണ്ടും ആയിരുന്നുവെന്നും അത്ഭുതങ്ങള് സൃഷ്ടിക്കാന് രാജ്യത്തിന് കഴിഞ്ഞുവെന്നും ‘ഗ്രാന്ഡ് ചലഞ്ചസ് ആനുവല് മീറ്റിങ് 2020’ ന്റെ ഉദ്ഘാടന സമ്മേളനത്തെ അഭിസംബോധന ചെയ്യവെ അദ്ദേഹം പറഞ്ഞു.
രാജ്യത്തെ പ്രതിദിന കോവിഡ് രോഗികളുടെ എണ്ണം കുറഞ്ഞു വരികയാണ്. 88 ശതമാനമെന്ന ഉയര്ന്ന രോഗമുക്തി നിരക്കാണ് രാജ്യത്തുള്ളത്. സര്ക്കാര് സ്വീകരിച്ച വിവിധ നടപടികളാണ് രാജ്യത്തെ ആരോഗ്യ സംവിധാനം മെച്ചപ്പെടുത്തിയത്. മികച്ച ശുചീകരണ പ്രവര്ത്തനങ്ങളും കൂടുതല് ശൗചാലയങ്ങളും രോഗബാധ കുറച്ചുവെന്നും പ്രധാനമന്ത്രി അവകാശപ്പെട്ടു.
മൂന്ന് ദിവസത്തെ സമ്മേളനത്തില് 40 രാജ്യങ്ങളില്നിന്നായി 1600 ഓളം വിദഗ്ധരാണ് പങ്കെടുക്കുന്നത്. ബില് ആന്ഡ് മെലിന്ഡ ഗേറ്റ്സ് ഫൗണ്ടേഷന്, കേന്ദ്ര സര്ക്കാരിന്റെ ബയോടെക്നോളജി വകുപ്പ്, ശാസ്ത്ര – സാങ്കേതിക മന്ത്രാലയം, ഐസിഎംആര്, നീതി ആയോഗ്, ഗ്രാന്ഡ് ചലഞ്ചസ് കാനഡ, യുണൈറ്റഡ് സ്റ്റേറ്റ്സ് ഏജന്സി ഫോര് ഇന്റര്നാഷണല് ഡെവലപ്മെന്റ് എന്നിവയാണ് ആതിഥ്യം അരുളുന്നത്.
