വടകര : ദേശീയപാതയ്ക്ക് സമീപം കഞ്ചാവ് ചെടി കണ്ടെത്തി നശിപ്പിച്ചു. വടകര ഫയർ സ്റ്റേഷൻ റോഡിനും പെരുവട്ടം താഴെ ട്രാഫിക്ക് ജംഗ്ഷനുമിടയിൽ നാഷണൽ ഹൈവേയോട് ചേർന്ന കുറ്റിക്കാടുകൾക്ക് ഇടയിലാണ് കഞ്ചാവ് ചെടി കണ്ടെത്തിയത്.
എക്സൈസ് ഇൻസ്പെക്ടർ കെ.കെ ഷിജിൽ കുമാറിൻ്റെ നേതൃത്വത്തിൽ നടത്തിയ പരിശോധനയിലാണ് എകദേശം 2 മിറ്ററോളം വരുന്ന കഞ്ചാവ് ചെടി കണ്ടെത്തിയത്. റെയ്ഡിൽ അസി.എക്സൈസ് ഇൻസ്പെക്ടർ വിപിൻ കുമാർ, പ്രിവൻ്റവ് ഓഫിസന്മാരായ കെ.ഷൈജു, അജയകുമാർ , സിവിൽ എക്സൈസ് ഓഫീസന്മാരായ മുസ് ബിൻ, അശ്വിൻ എക്സൈസ് ഡ്രൈവർ ബബിൻ എന്നിവർ പങ്കെടുത്തു.
