എസ് സി ഹയർ സെക്കൻഡറി സ്കൂളിൽ നാഷണൽ സർവീസ് സ്കീം ദിനാചരണം നടത്തി

റാന്നി : എസ് സി ഹയർ സെക്കൻഡറി സ്കൂളിൽ എൻഎസ്എസ് യൂണിറ്റിന്‍റെ ആഭിമുഖ്യത്തിൽ നാഷണൽ സർവീസ് സ്കീം ദിനാചരണം നടത്തി. ഇന്ത്യയുടെ മനുഷ്യ ഭൂപടം നിർമ്മിച്ചു കുട്ടികൾ ഐക്യദാർഢ്യ പ്രതിജ്ഞ എടുത്തു. ദിനാചരണം പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തചടങ്ങില്‍  സ്കൂൾ പ്രിൻസിപ്പല്‍ ലീനആനി എബ്രഹാം അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് ജോൺ എബ്രഹാം പ്രതിജ്ഞ ചൊല്ലിക്കൊടുത്തു. പ്രോഗ്രാം ഓഫീസർ സജി അലക്സാണ്ടർ,സെക്രട്ടറി സജി തോമസ്,സീന രവീന്ദ്രൻ, കവിത പോൾ, കുമാരി ശ്രേയ സുജിത്ത്, ഗ്രേസ് മാത്യു, ജീവ ജയൻ, കെബിൻ ബി ചെറിയാൻ, ഷോൺ ഷിബു എന്നിവർ പ്രസംഗിച്ചു.