ജിദ്ദ : മദീന പ്രവിശ്യയില് പെടുന്ന ഹനാക്കിയ പ്രദേശത്ത് മലയാളി നേഴ്സ് മരണപ്പെട്ടു. കോട്ടയം മാന്നാനം സ്വദേശി ജിജിമോള് (47) ആണ് മരിച്ചത്. പതിനേഴ് വര്ഷങ്ങളായി ഹനാക്കിയയിലെ ആശുപത്രിയില് സ്റ്റാഫ് നേഴ്സ് ആയി ജോലി ചെയ്യുകയായിരുന്നു. ഹൃദയ സംബന്ധമായ അസുഖത്തിന് ജിജി മോള് ചികിത്സയിലായിരുന്നു.
ഭര്ത്താവ്: ജിന്റോ ജോര്ജ്. മകന്: ജിനോ ജിന്റോ. മൃതദേഹം നാട്ടില് എത്തിക്കാനുള്ള ശ്രമം പുരോഗമിക്കുന്നുവെന്ന് ഇതിനായി രംഗത്തുള്ള മദീന നവോദയയുടെ പ്രവര്ത്തകര് സലാം കല്ലായ്, നിസാര് കരുനാഗപ്പള്ളി, സോണി തൊടുപുഴ എന്നിവര് അറിയിച്ചു. മദീനയില് നിന്ന് 111 കിലോമീറ്റര് വടക്ക് കിഴക്ക് ദിശയിലാണ് ഹനാക്കിയ.