കൊച്ചി : പുതുവത്സരാഘോഷത്തിന് വില്പ്പനക്കായി കൊണ്ടുവന്ന ഒരു കിലോ നാല്പ്പതു ഗ്രാം കഞ്ചാവുമായി പശ്ചിമ ബംഗാള് സ്വദേശി പിടിയില്. പശ്ചിമ ബംഗാള് മാല്ഡ സ്വദേശി സലാം മണ്ഡല് (22) ആണ് പോലീസിന്റെ പിടിയിലായത്.
ജില്ലാ പോലിസ് മേധാവി കെ കാര്ത്തിക്കിന്റെ നിര്ദ്ദേശ പ്രകാരം ന്യൂഇയര് സ്പെഷല് ഡ്രൈവ് നടത്തുന്നതിനിടയില് രായമംഗലം തട്ടാംപുറം പടിയില് വച്ച് കഞ്ചാവുമായി ഇയാളെ പിടികൂടുകയായിരുന്നു. തിരുവനന്തപുരത്ത് നിന്നാണ് പെരുമ്പാവൂരിലെ തൊഴിലാളികള്ക്കിടയില് വില്പ്പന നടത്താന് ഇയാള് കഞ്ചാവ് കൊണ്ടുവന്നത്.
പോലിസിനെക്കണ്ട് ഓടി രക്ഷപ്പെടാന് ശ്രമിച്ച ഇയാളെ പിന്തുടര്ന്ന് സാഹസികമായാണ് പിടികൂടിയത്. റൂറല് ജില്ലയില് എസ്.പിയുടെ നേതൃത്വത്തില് ലഹരിപദാര്ത്ഥങ്ങളുടെ വിപണനവും ഉപയോഗവും തടയുന്നതിനും നടപടികള് എടുക്കുന്നതിനുമായി പ്രത്യേക പരിശീലനം ലഭിച്ച പോലീസ് ഉദ്യോഗസ്ഥരെ ചുമതലപ്പെടുത്തിയിട്ടുണ്ട്. ഈ വര്ഷം 177 കിലോഗ്രാം കഞ്ചാവാണ് വിവിധ ഭാഗങ്ങളില് നിന്നായി എറണാകുളം റൂറല് ജില്ലാ പോലീസ് പിടികൂടിയത്.