ചങ്ങനാശ്ശേരി : ചങ്ങനാശ്ശേരി സ്വദേശി പ്രവാസി മലയാളി സൗദിയില് ഹൃദയാഘാതം മൂലം മരിച്ചു. ചങ്ങനാശ്ശേരി ടി.ബി റോഡ് ജമീല മന്സിലില് (മൂപ്പര് വീട്) അബ്ദുല് ജബ്ബാര് (65) ആണ് മരണമടഞ്ഞത്. നൊഞ്ചു വേദനയെ തുടര്ന്ന് അബ്ദുള് ജബ്ബാറിനെ റിയാദിലെ അല് സലാം ആശുപത്രിയില് പ്രവേശിപ്പിച്ചത്. ചൊവ്വാഴ്ച രാവിലെയായിരുന്നു മരണം. 30 വര്ഷമായി സൗദിയിലുള്ള അബ്ദുല് ജബ്ബാര് ആറ് വര്ഷം മുമ്പാണ് അവസാനമായി നാട്ടില് എത്തി മടങ്ങിവന്നത്.
സാധാരണ ഗതിയില് മൂന്നുവര്ഷം കൂടുമ്പോഴാണ് നാട്ടില് വന്നിരുന്നതെന്നും കോവിഡ് മൂലം യാത്ര പ്രതിസന്ധിയുണ്ടായത് കൊണ്ടാണ് ഇത്തവണ യാത്ര വൈകിയതെന്നും ഒമിക്രോണ് വ്യാപന ഭീതിയില് നിയന്ത്രണങ്ങള് ഏര്പ്പെടുത്തിയിട്ടുണ്ടെങ്കിലും മൃതദേഹം നാട്ടിലെത്തിക്കാന് സന്നദ്ധ സംഘടനകള് പരിശ്രമിക്കുന്നുണ്ടെന്ന് വീട്ടുകാര് അറിയിച്ചു.
