റിയാദ്: സ്വിമ്മിങ് പൂളില്‍ കുളിക്കുന്നതിനിടെ ഹൃദയാഘാതമുണ്ടായി കായംകുളം സ്വദേശി മരിച്ചു. വരമ്പത്തു വീട്ടില്‍ ആഷിഖ് (25) ആണ് മരിച്ചത്. കൂട്ടുകാരുമൊപ്പം റിയാദ് എക്‌സിറ്റ് ഒമ്പതിലെ വിനോദ കേന്ദ്രത്തിലെ (ഇസ്തിറാഹ) സ്വിമ്മിങ് പൂളില്‍ കുളിക്കുന്നതിനിടെയായിരുന്നു അപകടം.
ഉടന്‍ ആശുപത്രിയില്‍ എത്തിച്ചെങ്കിലും മരണം സ്ഥിരീകരിക്കുകയായിരുന്നു. മൂന്നര വര്‍ഷമായി സൗദിയിലുള്ള ആഷിഖ് ഒന്നര വര്‍ഷം മുമ്പാണ് അവസാനമായി നാട്ടില്‍ പോയി മടങ്ങിയത്. അല്‍ ഫുര്‍സന്‍ കമ്പിനിയിലെ ജീവനക്കാരാനായിരുന്നു. അവിവാഹിതനാണ്. പിതാവ് – മുഹമ്മദ്‌ സഫീര്‍. മാതാവ് – സജി മോള്‍. സഹോദരി – ഫാത്തിമ. മൃതദേഹം ആസ്റ്റര്‍ ആശുപത്രി മോര്‍ച്ചറിയില്‍. മൃതദേഹം റിയാദില്‍ ഖബറടക്കും.
