പാലക്കാട് : പോലീസ് അന്യായമായി അറസ്റ്റ് ചെയ്തത് എന്‍.സി.എച്ച്‌.ആര്‍.ഒ സംസ്ഥാന പ്രസിഡന്റിന് കോടതി ജാമ്യം അനുവദിച്ചു. പോലിസിനെ വിമര്‍ശിച്ചതിന്റെ പേരില്‍ കള്ളക്കേസ് ചുമത്തി അറസ്റ്റ് ചെയ്ത ശിവന്‍കുട്ടിക്ക് കോടതി ജാമ്യം അനുവദിക്കുകയായിരുന്നു. ഈ സാഹചര്യത്തില്‍ പാലക്കാട് സ്‌റ്റേഡിയം ബസ് സ്റ്റാന്‍ഡ് പരിസരത്ത് നടത്താന്‍ തീരുമാനിച്ച പ്രതിഷേധസംഗമം മാറ്റിവെച്ചു. ജാമ്യം ലഭിച്ച ശിവന്‍ കുട്ടിക്ക് ചിറ്റൂര്‍ സബ്ജയില്‍ പരിസരം വൈകുന്നേരം 5 30 ന് സ്വീകരണം നല്‍കുമെന്ന് എന്‍.സി.എച്ച്‌.ആര്‍.ഒ പാലക്കാട് ജില്ലാ പ്രസിഡന്റ് കെ.കാര്‍ത്തികേയന്‍ അറിയിച്ചു.
