തിരുവല്ല : എൻസിപി പത്തനംതിട്ട ജില്ല പ്രസിഡന്റ് തിരുവല്ല മുൻ മുൻസിപ്പൽ വൈസ് ചെയർമാൻ കൂടിയായ ജിജി വട്ടശ്ശേരി, ജില്ലാ ജനറൽ സെക്രട്ടറി മുഹമ്മദ് സാലി എന്നിവരുടെ നേതൃത്വത്തിൽ 28 അംഗ ജില്ല എക്സിക്യൂട്ടീവിൽ 18 പേർ പി ജെ ജോസഫ് നേതൃത്വം കൊടുക്കുന്ന കേരള കോൺഗ്രസിൽ ചേർന്ന് പ്രവർത്തിക്കാൻ തീരുമാനിച്ചു.
പത്തനംതിട്ട പ്രസ് ക്ലബിൽ നടന്ന പത്രസമ്മേളനത്തിൽ എൻസിപി ജില്ല പ്രസിഡന്റ് ജിജി വട്ടശ്ശേരി, സെക്രട്ടറി മുഹമ്മദ് സാലി, കേരള കോൺഗ്രസ് ജില്ല പ്രസിഡന്റ് അഡ്വ. വർഗീസ് മാമ്മൻ, ഉന്നതാധികാര സമിതി അംഗം അഡ്വ ബാബു വർഗീസ്, സംസ്ഥാന ജനറൽ സെക്രട്ടറി സാം മാത്യു, ആറന്മുള നിയോജകമണ്ഡലം പ്രസിഡന്റ് ദീപു ഉമ്മൻ, എൻസിപി ജില്ല ഭാരവാഹികളായ രഞ്ജിത് പി ചാക്കോ, പി എൻ മുരളീധരൻ, സാജോ വർഗീസ്, എൻവൈസി സംസ്ഥാന ജനറൽ സെക്രട്ടറി നൈസ മുഹമ്മദ് എന്നിവർ പങ്കെടുത്തു.
