Saturday, July 20, 2024 11:57 pm

കോൺഗ്രസിന് 230 പുതിയ ബ്ലോക്ക് പ്രസിഡന്റുമാർ ; 3 ജില്ലകളിൽ ഉടൻ

For full experience, Download our mobile application:
Get it on Google Play

തിരുവനന്തപുരം: കോൺഗ്രസിന്റെ 230 ബ്ലോക്ക് പ്രസിഡന്റുമാരെ കെപിസിസി പ്രഖ്യാപിച്ചു. ആകെ 282 ബ്ലോക്ക് പ്രസിഡന്റുമാരാണ് ഉള്ളത്. അവശേഷിക്കുന്ന കോട്ടയം, തിരുവനന്തപുരം, മലപ്പുറം ജില്ലകളിലെ ബ്ലോക്ക് പ്രസിഡന്റുമാരെ വൈകാതെ നിശ്ചയിക്കും. മതിയായ ചർച്ച കൂടാതെയാണു പ്രഖ്യാപനം എന്ന പരാതിയും ഒപ്പം ഉയർന്നു.കെപിസിസി പ്രസിഡന്റ് കെ.സുധാകരനും പ്രതിപക്ഷ നേതാവ് വി.ഡി.സതീശനും മൂന്നു ദിവസം തുടർച്ചയായി നടത്തിയ ചർച്ചകൾക്കൊടുവിൽ വെള്ളിയാഴ്ച രാത്രി 12 മണിക്കാണു കെപിസിസി പ്രസിഡന്റിന്റെ ഫെയ്സ്ബുക് പേജിൽ പട്ടിക പ്രസിദ്ധീകരിച്ചത്.

കോൺഗ്രസിന്റെ ബ്ലോക്ക് പ്രസിഡന്റുമാർ കൂട്ടത്തോടെ മാറി പുതുമുഖങ്ങൾ കടന്നു വരുന്നതു പത്തു വർഷത്തിൽ ആദ്യമാണ്. കെപിസിസി പ്രസിഡന്റായി കെ.സുധാകരൻ ചുമതലയേറ്റ ശേഷം ആരംഭിച്ച പുനഃസംഘടനാ ചർച്ചകളുടെ ഒരു പ്രധാന ഘട്ടമാണു പിന്നിട്ടത്. ലോക്സഭാ തിരഞ്ഞെടുപ്പു തയാറെടുപ്പിനായി താഴെ തട്ടിലെ സംഘടനാ ദൗർബല്യങ്ങൾ പരിഹരിക്കാനുളള ശ്രമങ്ങൾക്ക് ഇതോടെ തുടക്കമായി. പുതിയ ബ്ലോക്ക് പ്രസിഡന്റുമാരുടെ നേതൃത്വത്തിൽ ബ്ലോക്ക് കമ്മിറ്റികൾ നിലവിൽ വരും. ഡിസിസികൾ കേന്ദ്രീകരിച്ചു പുതിയ മണ്ഡലം പ്രസിഡന്റുമാരെ നിശ്ചയിക്കാനുള്ള ചർച്ച നടക്കുന്നു.

ബ്ലോക്ക്, മണ്ഡലം അഴിച്ചുപണിക്കു ശേഷം ആവശ്യമെങ്കിൽ ലോക്സഭാ തിരഞ്ഞെടുപ്പിനു മുൻപായി ഡിസിസികളിലും പുതിയ ഭാരവാഹികൾ വരും.230 ഭാരവാഹികളിൽ പകുതിയിലേറെ അൻപതു വയസ്സിൽ താഴെയുള്ളവരാണെന്നു കെപിസിസി നേതൃത്വം അറിയിച്ചു. വനിതാ പ്രാതിനിധ്യം പക്ഷേ തീർത്തും പരിമിതമായി. തർക്കങ്ങൾ തുടരുന്നതു മൂലം പ്രഖ്യാപനം നീണ്ടു പോയ മൂന്നു ജില്ലകളിലേതു കൂടാതെ എറണാകുളം, തൃശൂർ, പാലക്കാട് ജില്ലകളിലെ ഏതാനും ബ്ലോക്ക് പ്രസിഡന്റുമാരെ കൂടി പ്രഖ്യാപിക്കാനുണ്ട്.

അന്തിമ കൂടിയാലോചനകളിൽ പങ്കെടുപ്പിക്കാതെ മാറ്റി നിർത്തി എന്ന പ്രതിഷേധത്തിലാണ് എ–ഐ വിഭാഗങ്ങൾ. കോൺഗ്രസിലെ പ്രബല വിഭാഗങ്ങളെ ഇരുട്ടിൽ നിർത്തി ബ്ലോക്ക് പ്രസിഡന്റുമാരെ പ്രഖ്യാപിച്ചത് ഐക്യാന്തരീക്ഷം നശിപ്പിക്കുമെന്നും ഹൈക്കമാൻഡ് ഇടപെടണമെന്നും എഐസിസി ജനറൽ സെക്രട്ടറി താരിഖ് അൻവറോട് യുഡിഎഫ് കൺവീനർ എം.എം.ഹസൻ രേഖാമൂലം ആവശ്യപ്പെട്ടു. രമേശ് ചെന്നിത്തലയും താരിഖിനെ അതൃപ്തി അറിയിച്ചു. നീതിയുക്തമായ പട്ടികയാണു തയാറാക്കിയതെന്നും പരാതികൾ കുറവാണെന്നും നേതൃത്വം ചൂണ്ടിക്കാട്ടി.

ncs-up
rajan-new
previous arrow
next arrow
Advertisment
shanthi--up
life-line
sam
WhatsAppImage2022-07-31at72836PM
previous arrow
next arrow

FEATURED

ഇൻസ്റ്റാഗ്രാമിലെ കൂട്ടുകാരൻ പറഞ്ഞ എഐ ആപ്പ് ഫോണിൽ ഇൻസ്റ്റാൾ ചെയ്തു, പോയത് 2 കോടി...

0
തിരുവനന്തപുരം: ഇന്‍സ്റ്റഗ്രാമിലൂടെ പരിചയപ്പെട്ട് സൗഹൃദം സ്ഥാപിച്ചശേഷം ഓഹരി വിപണിയില്‍ നിക്ഷേപം നടത്താന്‍...

അവകാശവാദങ്ങളൊക്കെ തുറന്ന കത്തിലാക്കിയത് നന്നായി ; മന്ത്രി എം.ബി രാജേഷിന് മറുപടിയുമായി വി ഡി...

0
തിരുവനന്തപുരം : മാലിന്യ പ്രശ്നവുമായി ബന്ധപ്പെട്ട് തദ്ദേശ മന്ത്രി എം ബി...

അര്‍ജുൻ രക്ഷാദൗത്യം : ഒടുവിൽ സൈനിക സഹായം തേടി കര്‍ണാടക സ‍ര്‍ക്കാര്‍, കളക്ടറുടെ റിപ്പോര്‍ട്ട്...

0
തിരുവനന്തപുരം : മം​ഗളൂരിൽ മണ്ണിടിഞ്ഞ് വീണ് കാണാതായ കോഴിക്കോട് സ്വദേശിയായ ലോറി...

ക്രൈസ്തവ സമൂഹത്തിൻ്റെ ആവശ്യങ്ങളിൽ സർക്കാർ ക്രിയത്മകമായി ഇടപെടണം : ഡോ. പ്രകാശ് പി തോമസ്

0
തണ്ണിത്തോട്: കേരള കൗൺസിൽ ഓഫ് ചർച്ചസ് തണ്ണിത്തോട് സോണിൻ്റെ ആഭിമുഖ്യത്തിൽ നടന്ന...