തൊടുപുഴ : ഉടുമ്പന്നൂര് മങ്കുഴിയില് കഴിഞ്ഞ ദിവസം നവജാതശിശു മരിച്ച സംഭവം കൊലപാതകമാണെന്ന് പോസ്റ്റുമോര്ട്ടം റിപ്പോര്ട്ട്. ജനിച്ച ശേഷം കുഞ്ഞ് ശ്വസിച്ചിരുന്നു. കുഞ്ഞിന്റെ ശരീരത്തില് നിന്ന് ജലാംശം കണ്ടെത്തി. സംഭവത്തില് അമ്മക്കെതിരെ കൊലപാതകത്തിന് കേസെടുത്തു. അമ്മയെ ആശുപത്രിയില് നിന്ന് ഡിസ്ചാര്ജ് ചെയ്താല് ഉടനെ അറസ്റ്റ് ചെയ്യുമെന്ന് പോലീസ് അറിയിച്ചു. കഴിഞ്ഞ ദിവസമാണ് തൊടുപുഴയില് പ്രസവിച്ച ഉടനെ തന്നെ കുഞ്ഞിനെ അമ്മ ബക്കറ്റിലെ വെള്ളത്തില് മുക്കി കൊലപ്പെടുത്തിയത്. അമിത രക്തസ്രാവത്തെ തുടര്ന്ന് ആശുപത്രിയില് എത്തിച്ചപ്പോള് ഡോക്ടര്മാര് നടത്തിയ പരിശോധനയിലാണ് വിവരം പുറത്ത് വരുന്നത്.
