ആലപ്പുഴ/പത്തനംതിട്ട : ആലപ്പുഴയിലെ ചെന്നിത്തല പഞ്ചായത്തിനും പത്തനംതിട്ടയിലെ കോട്ടാങ്ങൽ പഞ്ചായത്തിനും പുതിയ പ്രസിഡൻ്റുമാർ. ചെന്നിത്തല ഗ്രാമപഞ്ചായത്ത് പ്രസിഡൻ്റായി ബിജെപിയിലെ ബിന്ദു പ്രദീപ് തിരഞ്ഞെടുക്കപ്പെട്ടു. എൽഡിഎഫിലെ വിജയമ്മ ഫിലേന്ദ്രനെയാണു തോൽപിച്ചത്. എൽഡിഎഫി 5 അംഗങ്ങളിൽ ഒരു സിപിഎം അംഗത്തിൻ്റെ വോട്ട് അസാധുവായി.
6 അംഗങ്ങളുള്ള യുഡിഎഫ് വോട്ടെടുപ്പിൽ പങ്കെടുത്തില്ല. ഒരു സ്വതന്ത്ര അംഗവും ബിജെപിക്കു വോട്ട് ചെയ്തു. 18 അംഗ സമിതിയിൽ ബിന്ദു പ്രദീപിന് 7 വോട്ടും വിജയമ്മയ്ക്ക് 4 വോട്ടുമാണു ലഭിച്ചത്. മൂന്നാം തവണയാണു പ്രസിഡൻ്റെ തിരഞ്ഞെടുപ്പു നടക്കുന്നത്. കഴിഞ്ഞ രണ്ടു തവണ യുഡിഎഫ് എൽഡിഎഫിനെ പിന്തുണച്ചെങ്കിലും വിജയി ചുമതലയേറ്റില്ല. ഇതിൽ പ്രതിഷേധിച്ചാണ് യുഡിഎഫ് വിട്ടുനിന്നത്.
കോട്ടാങ്ങൽ പഞ്ചായത്തിൽ എസ്ഡിപിഐ പിന്തുണയോടെ സിപിഎം അംഗം ബിനു ജോസഫ് പ്രസിഡൻ്റായി . നേരത്തേ പലതവണ എസ്ഡിപിഐ പിന്തുണയോടെ പ്രസിഡൻ്റെ സ്ഥാനത്തേക്കു സിപിഎം പ്രതിനിധികൾ തിരഞ്ഞെടുക്കപ്പെട്ടെങ്കിലും രാജിവെച്ചിരുന്നു. ഇവിടെ ബിജെപിക്കും സിപിഎമ്മിനും തുല്യ അംഗങ്ങളാണ്.