മലപ്പുറം : സംസ്ഥാന സ്കൂൾ കായികമേള ഇന്ന് സമാപിക്കുകയാണ്. ഒക്ടോബർ മാസം 22 മുതൽ ഇന്നേ ദിവസം വരെ നീണ്ടുനിന്ന മേളയിൽ 41 ഇനങ്ങളിലായി പതിനായിരത്തോളം മത്സരങ്ങൾ വിജയകരമായി പൂർത്തീകരിച്ചു എന്ന് മന്ത്രി വി ശിവൻകുട്ടി പറഞ്ഞു. ആകെ 19,310 കുട്ടികളാണ് കായികമേളയിൽ പങ്കെടുത്തത്. ഇതിൽ 9,579 ആൺകുട്ടികളും 9,731 പെൺകുട്ടികളും ഉൾപ്പെടുന്നു. കൂടാതെ 2,000 പ്രത്യേക പരിഗണന അർഹിക്കുന്ന കുട്ടികളും മേളയിൽ ഭാഗമായിരുന്നു. 19,310 കുട്ടികളുടെ പങ്കാളിത്തം ഒരു ലോക റെക്കോർഡാണ് എന്നും എന്നാൽ ഇത് രേഖപ്പെടുത്തുന്ന ആധികാരിക സ്ഥാപനങ്ങളെ അറിയിക്കുന്നതിൽ കുറവുണ്ടായിട്ടുണ്ട് എന്നും മന്ത്രി വി. ശിവൻകുട്ടി അറിയിച്ചു.
