പത്തനംതിട്ട : എൻ.ജി.ഒ സംഘ് പത്തനംതിട്ട ടൗൺ ബ്രാഞ്ച് സമ്മേളനം നടന്നു. വൈ എം സി എ ഹാളിൽ നടന്ന സമ്മേളനം ജില്ലാ ട്രഷറർ
എസ് ഗിരീഷ് ഉദ്ഘാടനം ചെയ്തു. പങ്കാളിത്ത പെൻഷൻ പിൻവലിക്കുന്നതിന് നിയമതടസ്സം ഇല്ല എന്ന പുനഃ പരിശോധന കമ്മീഷൻ റിപ്പോർട്ടിൽ തുടർ നടപടികൾ സ്വീകരിച്ച് പങ്കാളിത്ത പെൻഷൻ പിൻവലിക്കണം എന്ന് സമ്മേളനം ആവശ്യപ്പെട്ടു. ബ്രാഞ്ച് പ്രസിഡന്റ് വി ഗോപികൃഷ്ണൻ അധ്യക്ഷത വഹിച്ചു. സംസ്ഥാന ജോയിന്റ് സെക്രട്ടറി എസ് രാജേഷ്, ആർ എസ് എസ് ഖണ്ഡ് സഹ സംഘ് ചാലക് ടി ജി ശിവശങ്കരൻ ,ബി ജെ പി മണ്ഡലം പ്രസിഡന്റ് അഭിലാഷ് ഓമല്ലൂർ എന്നിവർ സംസാരിച്ചു.
