മുംബൈ : അധോലോക നേതാവ് ദാവൂദ് ഇബ്രാഹിമിന്റെ അനുയായികളുടെ വസതികളിലും ഓഫീസുകളിലും വ്യാപക റെയ്ഡ് നടത്തി എന്ഐഎ. ഡി കമ്പനിയില് ശക്തനായ ഛോട്ടാ ഷക്കീലിന്റെ ബന്ധുവിനെ അറസ്റ്റ് ചെയ്തു. മുംബൈയിലെ വിവിധ ഇടങ്ങളില് അതിരാവിലെ തുടങ്ങിയ റെയ്ഡ് ഇപ്പോഴും തുടരുകയാണ്. അധോലോക നേതാവ് ദാവൂദ് ഇബ്രാഹിമിനും ഡി കമ്പനിക്കും എതിരെ എന്ഐഎ സമീപകാലത്ത് നടത്തുന്ന വലിയ നീക്കമാണ് ഇന്നത്തേത്.
ബാന്ദ്രാ, ഗൊരേഗാവ്, നാഗ്പാട, ബോറിവലി അങ്ങനെ മുംബൈയിലെ 20 ഇടങ്ങളിലാണ് എന്ഐഎ ഒരേസമയം റെയ്ഡ് നടത്തിയത്. ഷാര്പ്പ് ഷൂട്ടര്മാര്, ഹവാല ഇടപാടുകാര്, റിയല് എസ്റ്റേറ്റ് ഏജന്റുമാര് ഏങ്ങനെ ദാവൂദുമായി ബന്ധമുണ്ടായിരുന്ന പലരെയും ലക്ഷ്യമിട്ടായിരുന്നു റെയ്ഡ്. ഛോട്ടാഷക്കീലിന്റെ ഭാര്യാ സഹോദരിയുടെ ഭര്ത്താവായ സലീം ഖുറേഷിയെയാണ് എന്ഐഎ അറസ്റ്റ് ചെയ്തത്.
