കോട്ടയം : നിതിനയുടെ കൊലപാതകo വനിതാ കമ്മീഷന് ഇടപെടല്. പാലാ സെന്റ് തോമസ് കോളേജ് വിദ്യാര്ഥിനി നിതിനയെ സഹപാഠി കുത്തിക്കൊലപ്പടുത്തിയ സംഭവo അന്വേഷണത്തില് വീഴ്ചയുണ്ടായാല് വനിതാ കമ്മീഷന് ഇടപെടുമെന്ന് അധ്യക്ഷ പി സതീദേവി.
അന്വേഷണത്തിലെ തുടര്നടപടികള് കമ്മീഷന് നിരീക്ഷിക്കും. കൃത്യം നടത്തിയതിന് ശേഷമുള്ള അഭിഷേകിന്റെ പെരുമാറ്റം കൊലപാതകം ആസൂത്രിതം ചെയ്ത് നടപ്പിലാക്കിയതാണെന്ന് തെളിയിക്കുന്നു എന്നും സതീദേവി പറഞ്ഞു.
പഠനം പൂര്ത്തിയാക്കിയ ശേഷം വിവാഹം നടത്തി കൊടുക്കാമെന്ന് സമ്മതിച്ചതാണ്.എന്നിട്ടും കൊലപാതകത്തിലേക്ക് നയിച്ചത്തിന് പിന്നിലെ കാരണം അന്വേഷിക്കേണ്ടതുണ്ട്. നിതിനയുടെ മൊബൈല് ഫോണ് അഭിഷേകിന്റെ കയ്യില് ആയിരുന്നു. ഇതിനെയൊന്നും പ്രണയം എന്ന് വിശേഷിപ്പിക്കാന് കഴിയില്ല എന്നും സതീദേവി പറഞ്ഞു.
കോളേജിലെ ബാച്ചിലര് ഓഫ് വൊക്കേഷനല് സ്റ്റഡീസ് ഫുഡ് പ്രോസസിംഗ് ടെക്നോളജി (ബി.വോക്) കോഴ്സിലെ ആറാം സെമസ്റ്റര് വിദ്യാര്ഥികളാണ് നിതിന മോളും അഭിഷേകും. കോഴ്സിന്റെ ആറാം സെമസ്റ്റര് പരീക്ഷ എഴുതി പുറത്തിങ്ങുമ്പോഴാണ് വെള്ളിയാഴ്ച പ്രതി യുവതിയെ ആക്രമിച്ചത്.
