ഇടുക്കി: അദാനിയുടെ സ്ഥാപനത്തില് നിന്ന് ഉയര്ന്ന വിലയ്ക്ക് വൈദ്യുതി വാങ്ങാനുള്ള കരാറില് കെ.എസ്.ഇ.ബി ഒപ്പിട്ടെന്ന വാദം വിഡ്ഢിത്തമെന്ന് മന്ത്രി എം.എം മണി. അദാനിയുടെ ഒരു കമ്പനിയുമായും കെ.എസ്.ഇ.ബിയോ സര്ക്കാരോ കരാറുണ്ടാക്കിയിട്ടില്ല. കേന്ദ്ര സര്ക്കാരിന്റെ പാരമ്പര്യേതര ഊര്ജ സ്ഥാപനം നല്കുന്ന വൈദ്യുതിയേ വാങ്ങുന്നുള്ളൂ. ചെന്നിത്തല വിഡ്ഢിത്തം പറഞ്ഞ് നടക്കുകയാണെന്നും അദ്ദേഹം പറഞ്ഞു.
വൈദ്യുതി ബോര്ഡും അദാനി ഗ്രൂപ്പും തമ്മില് വഴിവിട്ട കരാര് ഉണ്ടാക്കിയെന്ന ചെന്നിത്തലയുടെ ആരോപണത്തിനു മറുപടി പറയുകയായിരുന്നു മന്ത്രി. വൈദ്യുതി ബോര്ഡ് ഉണ്ടാക്കിയ കരാറുകളുടെ എല്ലാ വിവരങ്ങളും കെ.എസ്.ഇ.ബി വെബ്സൈറ്റിലുണ്ട്. കേന്ദ്ര ഊര്ജ കോര്പ്പറേഷനില് നിന്ന് വൈദ്യുതി ലഭിക്കുന്നുണ്ട്. തെറ്റിദ്ധാരണ പരത്താന് വേണ്ടി ഓരോന്ന് പറയുകയാണെന്നും മന്ത്രി പറഞ്ഞു.