പത്തനംതിട്ട : ജൂണ് 11 ന് (വെള്ളി) സംസ്ഥാന സര്ക്കാര് അനുവദിച്ചിട്ടുള്ള ലോക്ക് ഡൗണ് ഇളവുകള്, കോവിഡ് ടെസ്റ്റ് പോസിറ്റിവിറ്റി നിരക്ക് കൂടുതലായതിനാലും രോഗവ്യാപന തോത് കൂടുതലായതിനാലും പ്രത്യേക നിയന്ത്രണങ്ങള് തുടര്ന്നുവരുന്ന പന്തളം നഗരസഭ, പ്രമാടം, പള്ളിക്കല്, കലഞ്ഞൂര്, റാന്നി പഴവങ്ങാടി, റാന്നി പെരുനാട്, കോയിപ്രം, കുന്നന്താനം, കടപ്ര, പുറമറ്റം, അരുവാപ്പുലം, സീതത്തോട്, റാന്നി അങ്ങാടി, വടശ്ശേരിക്കര, കവിയൂര്, കല്ലൂപ്പാറ എന്നീ ഗ്രാമപഞ്ചായത്തുകളിലും ബാധകമാക്കേണ്ടതില്ലെന്ന് ജില്ലാ ദുരന്ത നിവാരണ അതോറിറ്റി യോഗത്തില് തീരുമാനിച്ചു.
പത്തനംതിട്ട ജില്ലാ ദുരന്തനിവാരണ അതോറിറ്റി ചെയര്മാനും ജില്ലാ കളക്ടറുമായ ഡോ. നരസിംഹുഗാരി തേജ് ലോഹിത് റെഡ്ഡിയുടെ അധ്യക്ഷതയില് ചേര്ന്ന ജില്ലാ ദുരന്ത നിവാരണ അതോറിറ്റി യോഗത്തിലാണ് തീരുമാനം.
