സ്കീം ഫോർ പ്രൊമോഷൻ ഓഫ് രജിസ്ട്രേഷൻ ഓഫ് എംപ്ലോയർസ് ആൻഡ് എംപ്ലോയീസ് (SPREE) പദ്ധതിയുമായി ഇ.എസ്.ഐ കോർപ്പറേഷൻ.
പത്തോ അതിലധികമോ തൊഴിലാളികൾ ഉണ്ടായിട്ടും ഇതുവരെ ഇഎസ്ഐ പദ്ധതിയിൽ ചേരാത്ത തൊഴിലുടമകൾക്ക് പഴയകാല ബാധ്യതകൾ ഒഴിവാക്കി അവരുടെ സ്ഥാപനങ്ങളെ രജിസ്റ്റർ ചെയ്യാൻ ഒരു സുവർണാവസരം. ഇ.എസ്.ഐ.സി പോർട്ടൽ /ശ്രം സുവിധ പോർട്ടൽ വഴി ഇത് ചെയ്യാവുന്നതാണ്.
രജിസ്ട്രേഷൻ ഉള്ള പഴയ സ്ഥാപനങ്ങളിൽ ഇഎസ്ഐ പദ്ധതിയിൽ ഇതുവരെ അംഗത്വമില്ലാത്ത തൊഴിലാളികളെയും പഴയകാല ബാധ്യതകൾ ഒഴിവാക്കി രജിസ്റ്റർ ചെയ്യാനും ഈ ഒറ്റത്തവണ അവസരം ഉപയോഗിക്കാം. 2025 ജൂലൈ ഒന്ന് മുതൽ ഡിസംബർ 31 വരെ ഈ പദ്ധതിക്ക് പ്രാബല്യം ഉണ്ടായിരിക്കുന്നതാണ്.
തൊഴിലുടമകൾ ഈ പദ്ധതി പരമാവധി പ്രയോജനപ്പെടുത്തി വിട്ടുപോയ എല്ലാ സ്ഥാപനങ്ങളെയും തൊഴിലാളികളെയും ഇഎസ്ഐ നിയമത്തിൻ പരിധിയിൽ കൊണ്ടുവരണമെന്ന് ഇ.എസ്.ഐ അധികൃതര് അഭ്യര്ഥിച്ചു.
