കൊച്ചി :കേരളം രൂപീകൃതമായിട്ട് ഇന്ന് 65 വര്ഷങ്ങള്. തിരുവിതാംകൂര്, കൊച്ചി, മലബാര് മേഖലകളെ കൂട്ടിച്ചേര്ത്ത് 1956 നവംബര് ഒന്നിനാണ് കേരളം രൂപീകരിച്ചത്. സ്വതന്ത്ര ഇന്ത്യയില് ഒരു സംസ്ഥാനമെന്ന നിലയില് കേരളം ഭൂപടത്തില് വരാന് ഒന്പത് വര്ഷത്തെ കാത്തിരിപ്പ് വേണ്ടി വന്നു. ഒടുവില് ഭാഷാ അടിസ്ഥാനത്തില് സംസ്ഥാനം രൂപീകരിക്കുന്നതിന് വേണ്ടി നടന്ന പോരാട്ടങ്ങള് വിജയം കണ്ട ദിവസം 1956 നവംബര് 1നാണ്.
580 കിലോമീറ്റര് നീണ്ടുകിടക്കുന്നതാണ് കേരളത്തിന്റെ തീരപ്രദേശം. കോട്ടയം, പത്തനംതിട്ട, ഇടുക്കി, പാലക്കാട്, വയനാട് എന്നീ ജില്ലകളൊഴികെ ബാക്കി ജില്ലകളെയെല്ലാം അറബിക്കടല് സ്പര്ശിക്കുന്നുണ്ട്. 65 വര്ഷങ്ങള്ക്കിപ്പുറം മറ്റൊരു നവംബര് മാസമെത്തുമ്പോള് 14 ജില്ലകളുമായി രാജ്യത്തെ തന്നെ മികച്ച സംസ്ഥാനങ്ങളുടെ പട്ടികയില് കേരളം സ്ഥാനം നേടിക്കഴിഞ്ഞു. ആരോഗ്യ-വിദ്യാഭ്യാസ മേഖലകളില് ലോകത്തിനാകെ മാതൃകയായി നമ്മുടെ കേരളം തിളങ്ങുന്നു. കേരളത്തോടൊപ്പം ഈ ദിനം ആഘോഷിക്കുന്ന മറ്റു ചില സംസ്ഥാനങ്ങള് കൂടിയുണ്ട്. കര്ണാടക, ഹരിയാന, മധ്യപ്രദേശ്, ചത്തീസ്ഗഡ് എന്നീ സംസ്ഥാനങ്ങളും രൂപം കൊണ്ടത് നവംബര് ഒന്നിനാണ്.
