കൊച്ചി : 2019 മുന് മിസ് കേരളയും റണ്ണര് അപ്പും കൊച്ചിയില് വാഹനാപകടത്തില് മരിച്ചു. 2019ലെ മിസ് കേരള അന്സി കബീര്, റണ്ണര് അപ് അഞ്ജന ഷാജന് എന്നിവരാണ് മരിച്ചത്. കൊച്ചി ബൈപാസില് വൈറ്റിലയ്ക്കു സമീപം ഇന്ന് പുലര്ച്ചെ ഒരുമണിക്കായിരുന്നു അപകടം.
ബൈക്കിന് ഇടിക്കാതിരിക്കാന് ശ്രമിക്കുന്നതിനിടെയാണ് അപകടം ഉണ്ടായത്. കാറിലുണ്ടായിരുന്ന മറ്റു രണ്ടുപേര്ക്ക് പരുക്കേറ്റിട്ടുണ്ട്. ഒരാളുടെ നില ഗുരുതരമാണ്. തിരുവനന്തപുരം ആറ്റിങ്ങല് സ്വദേശിയാണ് മോഡല് കൂടിയായ അന്സി. അഞ്ജന തൃശ്ശൂര് സ്വദേശിയാണ്.
