ശ്രീനഗർ : ജമ്മു കശ്മീരിലെ മുൻ എംഎൽസിയും ഫാറൂഖ് അബ്ദുള്ളയുടെ നേതൃത്വത്തിലുള്ള നാഷണൽ കോൺഫറൻസ് (എൻസി) പാർട്ടി അംഗവുമായ ഷഹനാസ് ഗനായി ബിജെപിയിൽ ചേർന്നു. തിങ്കളാഴ്ച ശ്രീനഗറിൽ നടന്ന ചടങ്ങിൽ പാർട്ടി ദേശീയ ജനറൽ സെക്രട്ടറി തരുൺ ചുഗ്, കേന്ദ്രമന്ത്രി ജിതേന്ദ്ര സിംഗ് തുടങ്ങിയവർ പങ്കെടുത്തിരുന്നു. പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള കേന്ദ്ര സർക്കാർ ജനങ്ങൾക്ക് വേണ്ടി ഒരുപാട് നല്ല കാര്യങ്ങളാണ് ചെയ്യുന്നത്.
പ്രധാനമന്ത്രിയുടെ ‘ സബ്കാ സാത്ത്, സബ്കാ വികാസ് ‘എന്നീ ആശയങ്ങളിൽ താൻ ആകൃഷ്ടയായെന്നും പാർട്ടിൽ ചേർന്നതിന് ശേഷം ഷഹനാസ് ഗനായി പറഞ്ഞു. ജമ്മുകശ്മീരിലെ പട്ടിക വർഗ സമൂഹത്തിനും സ്ത്രീകൾക്കുമായി കേന്ദ്ര സർക്കാർ നടത്തിയ പ്രവർത്തനങ്ങൾ അഭിനന്ദനാർഹമാണെന്നും ഷഹനാസ് പറഞ്ഞു.
