കോഴിക്കോട് : യുവതികള്ക്കുനേരെ നഗ്നതാ പ്രദര്ശനം നടത്തിയ യുവാവ് അറസ്റ്റില്. അത്തോളിയിലെ ഫാന്സി കടയില് സാധനങ്ങള് വാങ്ങാന് വന്ന സഹോദരിമാരായ യുവതികള്ക്കുനേരെയാണ് യുവാവ് നഗ്നതാ പ്രദര്ശനം നടത്തിയത്. യുവതികളുടെ പരാതിപ്രകാരം പൂളാടിക്കുന്നില് വാടകക്ക് താമസിക്കുന്ന ഓട്ടോ ഡ്രൈവറായ പുതിയാപ്പ സ്വദേശി കായക്കലകത്ത് മിഥുനെ (30) പോലീസ് അറസ്റ്റ് ചെയ്തു.
പെണ്കുട്ടികള് സാധനങ്ങള് വാങ്ങാന് കടയില് കയറിയപ്പോള് യുവാവും കടയില് കയറി. കടക്കാരന് അലമാരയില്നിന്ന് സാധനങ്ങള് എടുക്കുന്ന സമയത്താണ് യുവാവ് യുവതികള്ക്കുനേരെ നഗ്നതാ പ്രദര്ശനം നടത്തിയത്. തിങ്കളാഴ്ച വൈകിട്ട് ഏഴോടെയാണ് സംഭവം. യുവതികള് ബഹളം വെച്ചതോടെ യുവാവ് പുറത്തേക്ക് ഓടി. കടക്കാരും നാട്ടുകാരും യുവാവിനെ ഓടിച്ചിട്ട് പിടിക്കുകയായിരുന്നു. വിവരമറിഞ്ഞ് സ്ഥലത്തെത്തിയ അത്തോളി പോലീസ് സബ് ഇന്സ്പെക്ടര്മാരായ ഹബീബുല്ല, കെ.ടി. രഘു എന്നിവര് യുവാവിനെ കസ്റ്റഡിയിലെടുത്തു. പ്രതിയുടെ അമ്മയെയും ഭാര്യയെയും സ്റ്റേഷനില് വിളിച്ചുവരുത്തിയ ശേഷം ജാമ്യത്തില് വിട്ടയച്ചു.
