ന്യൂദല്ഹി: തന്റെ പേരില് ട്വിറ്ററിലുള്ള അക്കൗണ്ടില്നിന്ന് വ്യാജ സന്ദേശങ്ങള് ശ്രദ്ധയില്പ്പെട്ടതിനെ തുടര്ന്ന് സുപ്രീംകോടതി ചീഫ് ജസ്റ്റിസ് എന് വി രമണ പോലീസില് പരാതി നല്കി. ശനിയാഴ്ച ഇന്ത്യയുടെ 48-ാമത് ചീഫ് ജസ്റ്റിസായി ചുമതലയേറ്റ അദ്ദേഹത്തിന് ട്വിറ്റര് അക്കൗണ്ടോ മറ്റ് സമൂഹ മാധ്യമ അക്കൗണ്ടുകളോ ഇല്ല. @എന്വിരമണ എന്ന പേരിലുള്ള അക്കൗണ്ടില് അവസാനം ചെയ്ത ട്വീറ്റ് ഡിലീറ്റ് ചെയ്തുവെങ്കിലും അക്കൗണ്ട് ഇപ്പോഴും സജീവമാണ്.
98 പ്രാവശ്യം ഇതിനോടകം ട്വീറ്റ് ചെയ്തിട്ടുണ്ട്. ‘അജിത് ഡോവലിന്റെ നയതന്ത്ര ഇടപെടല്മൂലം അമേരിക്ക ഇന്ത്യക്ക് അസംസ്കൃത വസ്തുക്കള് നല്കാന് തീരുമാനിച്ചു, #വാക്സിനേഷന്@പിഎംഒ ഇന്ത്യ’ എന്നായിരുന്നു ഡിലീറ്റ് ചെയ്ത ട്വീറ്റ്. ഞായറാഴ്ച രാത്രി യുഎസ് നടത്തിയ പ്രഖ്യാപനം പരാമര്ശിച്ചായിരുന്നു ട്വീറ്റ്.
