കൊച്ചി: കൊച്ചിയില് ഭാര്യയെ മര്ദ്ദിച്ച് കൊന്ന കേസില് ഇതര സംസ്ഥാന തൊഴിലാളിയെ പോലീസ് പിടികൂടി. ഒഡീഷ ഗുമ കണ്ഠമാല് സ്വദേശിയായ സുബാസ് പത്ര (27) യെയാണ് എടത്തല പോലീസ് അറസ്റ്റ് ചെയ്തത്. ഇയാളുടെ ഭാര്യ നിലാദ്രി പത്ര (31) യെയാണ് മരിച്ച നിലയില് ചൂണ്ടി രാജഗിരി ആശുപത്രിയ്ക്ക് പിറക് വശത്തുള്ള ഉളളാടത്ത് റോഡില് നിര്മ്മാണത്തിലിരിക്കുന്ന കെട്ടിടത്തിന് സമീപം കാണപ്പെട്ടത്.
രണ്ടു ദിവസം മുന്പ് കെട്ടിട നിര്മ്മാണത്തിനായി എത്തിയതാണ് ദമ്പതികള്. വാക്ക് തര്ക്കമാണ് കൊലപാതകത്തിലേക്ക് നയിച്ചത്. അതിക്രൂരമായാണ് ഇയാള് ഭാര്യയെ മര്ദ്ദിച്ച് കൊന്നത്. ദേഹമാസകലം മര്ദ്ദിച്ച പാടുകളാണ്. കുത്തിയും ചവിട്ടിയുമാണ് ഇയാള് നീലാദ്രിയെ കൊന്നത്. അതിനു ശേഷം സ്ഥലത്ത് നിന്നും പോവുകയും ചെയ്തു.
