പാലക്കാട് : പെരുവമ്പിൽ കുളത്തിൽ മീൻ പിടിക്കാനിറങ്ങിയ വയോധികൻ മുങ്ങി മരിച്ചു. തത്തമംഗലം സ്വദേശി ആറുമുഖൻ (60) ആണ് മുങ്ങി മരിച്ചത്. പെരുവമ്പ് അപ്പളംകുളത്തില് മീന്പിടിക്കുന്നതിനിടെ ആറുമുഖനെ കാണാതാവുകയായിരുന്നു. ഫയർഫോഴ്സും നാട്ടുകാരും നടത്തിയ തെരച്ചിലിലാണ് മൃതദേഹം കണ്ടെത്തിയത്. മീന് പിടിക്കുന്നതിനിടെ ആറുമുഖൻ കുഴഞ്ഞു വീഴുകയായിരുന്നുവെന്നാണ് നാട്ടുകാര് പറയുന്നത്. ആറുമുഖൻ്റെ മൃതദേഹം പോസ്റ്റ് മാർട്ടം നടപടികൾക്കായി പാലക്കാട് ജില്ലാ ആശുപത്രിയിലേക്ക് മാറ്റി.
