തിരുവനന്തപുരം: വിദ്യാര്ത്ഥികളുടെ പരാതികള് പരിഹരിക്കാന് ഓംബുഡ്സ്മാനെ നിയമിക്കാന് എപിജെ അബ്ദുള് കലാം സാങ്കേതികശാസ്ത്ര സര്വകലാശാല സിന്ഡിക്കേറ്റ് യോഗം തീരുമാനിച്ചു. എഐസിടിഇ യുടെയും യുജിസിയുടെയും ചട്ടപ്രകാരം ഓംബുഡ്സ്മാനെ നിയമിക്കുന്നത് നിര്ബന്ധമാണെങ്കിലും കേരളത്തില് ഇതാദ്യമായാണ് ഒരു സര്വകലാശാല ഓംബുഡ്സ്മാനെ നിയമിക്കുന്നത്.
എല്ലാ സെമസ്റ്റര് പരീക്ഷകളുടെയും റഗുലര് പരീക്ഷകളുടെ കൂടെ ഓഡ്, ഈവന് സെമസ്റ്റര് സപ്പ്ളിമെന്ററി പരീക്ഷകള് കൂടി നടത്താന് സിന്ഡിക്കേറ്റ് യോഗത്തില് തീരുമാനമായി. നിലവില് ഓഡ്, ഈവന് സെമെസ്റ്ററുകളില് റഗുലര് പരീക്ഷകളോടൊപ്പം അതേ സെമെസ്റ്ററുകളിലെ മാത്രം സപ്പ്ളിമെന്ററി പരീക്ഷകളും നടത്തുക എന്നതായിരുന്നു സര്വകലാശാല പിന്തുടരുന്ന രീതി. ഇതുമൂലം സപ്പ്ളിമെന്ററി പരീക്ഷകള് ഉള്ള വിദ്യാര്ത്ഥികള്ക്ക് അടുത്ത അവസരത്തിനായി ഒരു വര്ഷം കാത്തിരിക്കേണ്ട അവസ്ഥയാണുണ്ടായിരുന്നത്. പുതിയ പരീക്ഷ രീതി വരുന്ന ജനുവരിയില് നടപ്പിലാക്കുന്നതോടെ സപ്പ്ളിമെന്ററി പരീക്ഷകള് ആറ് മാസത്തിനുള്ളില് എഴുതിയെടുക്കാന് വിദ്യാര്ത്ഥികള്ക്ക് കഴിയും.
