ന്യൂഡല്ഹി : രാജ്യത്ത് 11 സംസ്ഥാനങ്ങളിലായി 101 പേര്ക്ക് ഒമിക്രോണ് ബാധിച്ചു. കേന്ദ്ര ആരോഗ്യ മന്ത്രാലയമാണ് ഇക്കാര്യം സ്ഥിരീകരിച്ചത്. 40 പേര് രോഗബാധിതരായ മുംബൈയിലാണ് സ്ഥിതി ഏറ്റവും രൂക്ഷം. അഞ്ചു സംസ്ഥാനങ്ങളിലെ നിയമസഭാ തെരഞ്ഞെടുപ്പ് അടുത്ത പശ്ചാത്തലത്തില് തെരഞ്ഞെടുപ്പ് കമ്മീഷന് കേന്ദ്ര ആരോഗ്യമന്ത്രാലയത്തോട് ഒമിക്രോണ് വ്യാപനത്തില് റിപ്പോര്ട്ട് തേടി.
വിദേശ രാജ്യങ്ങളില് ഒമിക്രോണ് അതിവേഗം വ്യാപിക്കുന്ന സാഹചര്യത്തില് രാജ്യത്ത് കൂടുതല് ജാഗ്രത വേണമെന്ന് ആരോഗ്യ മന്ത്രാലയം മുന്നറിയിപ്പ് നല്കി. അനാവശ്യ യാത്രകളും, ആള്ക്കൂട്ടങ്ങളും ഒഴിവാക്കാനും ആരോഗ്യ വിദഗ്ധര് നിര്ദേശിച്ചു. ബൂസ്റ്റര് ഡോസ് നല്കുന്നത് സംബന്ധിച്ച തീരുമാനം ഇതുവരെ കേന്ദ്രം അറിയിച്ചിട്ടില്ല. നിലവില് രണ്ട് ഡോസ് വാക്സിന് എല്ലാവര്ക്കും നല്കുന്നതിനാണ് മുന്ഗണനയെന്ന് ആരോഗ്യ മന്ത്രാലയം ആവര്ത്തിച്ചു.
