മലപ്പുറം : മലപ്പുറത്തും ഒമിക്രോണ് സ്ഥിരീകരിച്ചു. ഒമാനില് നിന്നെത്തിയ മുപ്പത്തിയാറുകാരനായ മംഗളൂരു സ്വദേശിക്കാണ് രോഗം. ആരോഗ്യ പ്രശ്നങ്ങളില്ല. നിലവില് മഞ്ചേരി മെഡിക്കല് കോളേജ് ആശുപത്രിയില് ചികില്സയില് തുടരുകയാണ്. ഈ മാസം 14 ന് ഒമാനിൽ നിന്ന് എത്തിയതായിരുന്നു ഇയാൾ.
കോവിഡ് സ്ഥിരീകരിച്ചതിനെ തുടർന്ന് മഞ്ചേരി മെഡിക്കൽ കോളേജിൽ പ്രവേശിപ്പിക്കുകയായിരുന്നു. ടാൻസാനിയയിൽ ഇദ്ദേഹം പോയിരുന്നുവെന്നാണ് വിവരം. ഇയാളുടെ കൂടെ ഉണ്ടായിരുന്നവര്ക്ക് രോഗം സ്ഥിരീകരിച്ചിട്ടില്ല . സംസ്ഥാനത്തും രോഗികളുടെ എണ്ണം ദിനം പ്രതി കൂടി വരികയാണ്. അതീവ ജാഗ്രത പുലര്ത്തണമെന്ന് ആരോഗ്യമന്ത്രി പറഞ്ഞു.
