ഡല്ഹി: 2,000 രൂപ നോട്ടുകള് മാറ്റുന്നതിനോ നിക്ഷേപിക്കുന്നതിനോ ഏതെങ്കിലും ഫോമോ സ്ലിപ്പോ ആവശ്യമുണ്ടോ എന്നതുമായി ബന്ധപ്പെട്ട ഊഹാപോഹങ്ങള്ക്ക് വിരാമമിട്ട് സ്റ്റേറ്റ് ബാങ്ക് ഓഫ് ഇന്ത്യ എല്ലാ ശാഖകള്ക്കും മാര്ഗനിര്ദേശം പുറപ്പെടുവിച്ചു. 2000 രൂപ നോട്ട് മാറി ലഭിക്കാന് ഫോം പൂരിപ്പിക്കലിന്റെയോ, തിരിച്ചറിയല് രേഖയുടെയോ ആവശ്യമില്ലെന്ന് സ്റ്റേറ്റ് ബാങ്ക് ഓഫ് ഇന്ത്യ അറിയിച്ചു. ഉപയോക്താക്കള്ക്ക് ഒറ്റ തവണ 10 നോട്ടുകള് വരെ മാറ്റി നല്കുമെന്നും, ഈ പരിധിയിലുള്ള ഇടപാടുകള്ക്ക് മറ്റ് രേഖകളുടെ ആവശ്യമില്ലെന്നുമാണ് എസ്ബിഐ പറഞ്ഞിരിക്കുന്നത്.
നിരോധിച്ച നോട്ടുകള് മാറുന്നതിന് ആധാര് കാര്ഡ് പോലുള്ള തിരിച്ചറിയല് രേഖകള് സമര്പ്പിക്കുന്നതിനൊപ്പം ഒരു ഫോം പൂരിപ്പിക്കേണ്ടതുണ്ടെന്ന് സോഷ്യല് മീഡിയയില് തെറ്റായ വിവരങ്ങള് പ്രചരിക്കുന്നതിനിടെയാണ് വിശദീകരണം. ജനങ്ങളുടെ കൈവശമുള്ള 2000 രൂപ നോട്ടുകള് സെപ്തംബര് 30നോ അതിന് മുന്പോ ആയി ബാങ്കുകളില് ഏല്പ്പിക്കണമെന്നാണ് നിര്ദേശം. മെയ് 19നാണ് ആര്ബിഐ രണ്ടായിരം രൂപയുടെ നോട്ട് നിരോധിച്ചത്.
