റാന്നി: തോട്ടമൺ 693 നമ്പർ ശ്രീരാമവിലാസം എൻ എസ് എസ് കരയോഗവും ശ്രീദേവി വനിതാ സമാജവും സംയുക്തമായി ഓണാഘോഷം സംഘടിപ്പിച്ചു. കരയോഗം പ്രസിഡന്റ് സുരേഷ് കുമാറും കരയോഗ പ്രതിനിധികളും ചേർന്ന് ഭദ്രദീപം കൊളുത്തി ഓണാഘോഷ പരിപാടികൾ ഉദ്ഘാടനം ചെയ്തു. പിന്നീട് നടന്ന സാംസ്കാരിക സമ്മേളനം റാന്നി എം എൽ എ അഡ്വ . പ്രമോദ് നാരായൺ ഉദ്ഘാടനം നിർവഹിച്ചു. കരയോഗാംഗങ്ങളുടെ കുട്ടികളിൽ ഉന്നത വിജയം നേടിയവരെ അനുമോദിക്കുകയും മുതിർന്ന കരയോഗ അംഗങ്ങളെ പൊന്നാട അണിയിച്ചു ആദരിച്ചു. റാന്നി ഗ്രാമപഞ്ചായത്ത് വാർഡ് മെമ്പറുമാരായ ശശികല രാജശേഖരൻ, സിന്ധു സഞയന്, ബാലസുന്ദരൻ നായർ, വിജയൻ നായർ വനിതാ സമാജം പ്രസിഡന്റ്, ജയ ജി നായർ, പത്മിനി വി പണിക്കർ, അനീഷ് പി നായർ എന്നിവര് പ്രസംഗിച്ചു.
