തിരുവനന്തപുരം: ഓണത്തിന് സപ്ലൈകോ ശക്തമായ വിപണി ഇടപെടല് നടത്തുമെന്ന് മന്ത്രി ജി ആര് അനില്. ഈ മാസം 18 – 28വരെ തിരുവനന്തപുരത്ത് ഓണം ഫെയര് നടത്തുമെന്നും മുഖ്യമന്ത്രി അത് ഉദ്ഘാടനം ചെയ്യുമെന്നും അദ്ദേഹം പറഞ്ഞു. 19 മുതല് എല്ലാ ജില്ലകളിലും 23 മുതല് എല്ലാ മണ്ഡലങ്ങളിലും ഓണം ഫെയര് നടത്തുമെന്നും മന്ത്രി അറിയിച്ചു.
ഓണത്തോടനുബന്ധിച്ച് സപ്ലൈകോ അഞ്ചിനം കൂടി വിപണിയില് കൊണ്ടുവരുന്നു. ഇവയ്ക്കും പൊതുവിപണിയേക്കാള് അഞ്ചു രൂപ കുറവുണ്ടാകും. 250 കോടിയുടെ വില്പനയാണ് സപ്ലൈക്കോ ലക്ഷ്യമിടുന്നത്. ഓണം വിപണി ലക്ഷ്യമാക്കി സപ്ലൈക്കോ ഉത്പന്നങ്ങള് ഇരട്ടിയോളം ഇറക്കുമതി ചെയ്യുന്നു. ഓഗസ്റ്റ് 10 ഓടെ എല്ലാ സാധനങ്ങളും സപ്ലൈകോ യില് ലഭ്യമാകും. സപ്ലൈകോയില് പ്രതിമാസ വില്പന 270 കോടിയായി കൂടി. ഗുണനിലവാരം വര്ധിപ്പിക്കാന് ശക്തമായ നടപടി സ്വീകരിച്ചെന്നും ഇതാണ് വില്പ്പന കൂടാന് കാരണമെന്നും അദ്ദേഹം പറഞ്ഞു.
