തിരുവനന്തപുരം: നെടുമങ്ങാട് ജില്ലാ ആശുപത്രിയില് ഒന്നര വയസുകാരി മരിച്ച സംഭവത്തില് റിപ്പോര്ട്ട് തേടി ആരോഗ്യ വകുപ്പ് മന്ത്രി വീണാ ജോര്ജ്. നെടുമങ്ങാട് ജില്ലാ ആശുപത്രിയില് ചികിത്സ തേടിയ ശേഷം വീട്ടിലെത്തിയ ഒന്നര വയസുകാരി മരണമടഞ്ഞ സംഭവത്തില് അന്വേഷണം നടത്തി റിപ്പോര്ട്ട് നല്കാന് ആരോഗ്യവകുപ്പ് ഡയറക്ടര്ക്ക് മന്ത്രി നിര്ദേശം നല്കി.
കരകുളം പുത്തന്വീട്ടില് സുജിത് സുകന്യ ദമ്പതികളുടെ ഒന്നര വയസുള്ള മകള് ആര്ച്ച ആണ് മരിച്ചത്. കഴിഞ്ഞ നാല് ദിവസമായി നെടുമങ്ങാട് ജില്ലാ ആശുപത്രിയില് പനി ബാധിച്ച് ചികിത്സയില് ആയിരുന്നു. മരണത്തില് ചികിത്സ പിഴവ് ആരോപിച്ച് ആശുപത്രിക്ക് മുന്പിന് നാട്ടുകാര് പ്രതിക്ഷേധിച്ചിരുന്നു. ചികിത്സാ പിഴവെന്നു ബന്ധുക്കളുടെ ആരോപണത്തെ തുടര്ന്നാണ് മന്ത്രി ഇടപെട്ടത്.
