കോഴിക്കോട്: മുക്കത്ത് മാളിന്റെ ഫൈബര് സീലിങ് തകര്ന്നു ഒരാള് മരിച്ചു. ഓമശ്ശേരി മങ്ങാട് സ്വദേശി ബാബുരാജ് ആണ് മരിച്ചത്.ശനിയാഴ്ച വൈകീട്ട് നാലോടെയാണ് സംഭവം. മാള് ഓഫ് മുക്കം എന്ന സ്ഥാപനത്തിലെ ഇലക്ട്രീഷനായ ബാബുരാജ് സ്പീക്കര് നന്നാക്കുന്നതിനായി നാലാം നിലയോട് ചേര്ന്ന ഭാഗത്തെ സീലിങ്ങില് കയറിയതായിരുന്നു. സീലിങ് തകര്ന്ന് കോണിപ്പടിയുടെ ഭാഗത്തെ ഒഴിവിലൂടെ താഴത്തെ നിലയിലേക്ക് വീഴുകയായിരുന്നു.ഗുരുതര പരിക്കേറ്റ ഇയാളെ ആശുപത്രിയില് എത്തിച്ചെങ്കിലും മരിച്ചു. ഭാര്യ: തങ്ക, മകള്: ഹിമ (കാനഡ). മാതാവ്: സരോജിനി. സഹോദരങ്ങള്: പുഷ്പ, ഷീബ.
