കുവൈറ്റ് : വൺ ഇന്ത്യ വൺ പെൻഷൻ കുവൈറ്റ് ഘടകത്തിന്റെ രണ്ടാം വാർഷിക ആഘോഷങ്ങളുടെ ഭാഗമായി രക്തദാന ക്യാമ്പ് സംഘടിപ്പിച്ചു. ജാബ്രിയ സെൻട്രൽ ബ്ലഡ് ബാങ്കിൽ വെച്ച് നടന്ന ക്യാമ്പിൽ 200 ൽ പരം അംഗങ്ങൾ പങ്കെടുത്തു. വൺ ഇന്ത്യ വൺ പെൻഷൻ ഫൗണ്ടർ മെമ്പറും ഓവർസീസ് പ്രസിഡന്റുമായ ബിബിൻ പി. ചാക്കോ ക്യാമ്പിന്റെ ഉത്ഘാടനം നിർവഹിച്ചു. നാഷണൽ കമ്മിറ്റി പ്രസിഡന്റ് അബ്ദുൽ ഹമീദ് അധ്യക്ഷത വഹിച്ചു.
നാഷണൽ കമ്മിറ്റി സെക്രട്ടറി ജിനു കെ.വി, ക്യാമ്പ് കൺവീനർ രാജൻ തോട്ടത്തിൽ, സ്നോബി ജോർജ്,
സോബി ജോർജ്, ജോബി , സ്റ്റാൻലി ലീൻ , ഷാജി വര്ഗീസ് , തോമസ് കുരുവിള , ഷൈജു കുര്യൻ, ഉമ്മർ എ.സി എന്നിവര് ആശംസകൾ അർപ്പിച്ചു.
ഷിജു വർഗീസ്, റെജി കെ തോമസ് , മധുസൂദനൻ പിള്ള, കുഞ്ഞുമോൻ ജോൺ, ഇട്ടിച്ചൻ ആന്റണി,
സലിക്കത്ത് ബീവി, ഇന്ദിരാമ്മ, അജിത, സൂസമ്മ, ജയശ്രീ, അഷ്റഫ് , അലി , സുനിൽ കൃഷ്ണ, സൂരജ്, സാബു ഏലിയാസ് തുടങ്ങിയവർ പരിപാടികൾക്ക് നേത്രുത്വം നല്കി.
