തിരുവനന്തപുരം: തിരുവനന്തപുരം ചേങ്കോട്ടുകോണത്ത് പ്ലസ് വണ് വിദ്യാര്ത്ഥിനിയെ നടുറോഡില് വച്ച് മര്ദ്ദിച്ച കേസില് ഒരു പ്രതി കൂടി പിടിയില്. ചേങ്കോട്ടുകോണം സ്വദേശി ദീപു (36) ആണ് പിടിയിലായത്. സംഭവത്തില് ഇതിന് മുന്പ് പിരപ്പന്കോട് സ്വദേശി അരുണ് പ്രസാദ് (31), കാട്ടായിക്കോണം സ്വദേശി വിനയന് (28) എന്നിവര് നേരത്തെ പിടിയിലായിരുന്നു. കേസില് ഇനി ഒരാള് കൂടി പിടിയിലാകാനുണ്ട്.
മാര്ച്ച് 9 ന് വൈകുന്നേരം ക്ലാസ് കഴിഞ്ഞ് ബസ് സ്റ്റോപ്പിലേക്ക് പോകുകയായിരുന്ന സ്കൂള് പ്ലസ് വണ് വിദ്യാര്ത്ഥിനിയെയാണ് നാലംഗസംഘം ആക്രമിച്ചത്. ആണ്കുട്ടിയാണന്ന് കരുതി രണ്ടു ബൈക്കിലെത്തിയ നാലംഗ സംഘം പെണ്കുട്ടിയുമായി തര്ക്കമുണ്ടാകുകയും തുടര്ന്ന് മര്ദ്ദിക്കുകയായിരുന്നു. ആക്രമത്തില് കുട്ടിയുടെ ചെവിക്കും നെഞ്ചിനും വയറിനും പരിക്കറ്റിരുന്നു.
