കോട്ടയം : സ്വന്തം തട്ടകമായ പുതുപ്പള്ളിയില് മുന് മുഖ്യമന്ത്രി ഉമ്മന്ചാണ്ടി വിജയം ഉറപ്പിച്ചു. ഒടുവില് പുറത്തുവന്ന ഫലസൂചന അനുസരിച്ച് 7426 വോട്ടിന്റെ ഭൂരിപക്ഷത്തിലാണ് ഉമ്മൻചാണ്ടി മുന്നിട്ട് നില്ക്കുന്നത്. മണര്കാട് പഞ്ചായത്തിന് പിന്നാലെ പാമ്പാടിയിലും എല്ഡിഎഫ് മുന്നേറിയത് യുഡിഎഫിനെ അല്പം വിറപ്പിച്ചെങ്കിലും ഒടുവിലത്തെ വിവരം അനുസരിച്ച് ഉമ്മന്ചാണ്ടി ലീഡ് ഉയര്ത്തിയിരിക്കുകയാണ്.
യാക്കോബായ വിഭാഗത്തിന് വന്ഭൂരിപക്ഷമുള്ള മണര്കാട് പഞ്ചായത്തിലും ഉമ്മന് ചാണ്ടിയുടെ ലീഡ് നില താഴേക്ക് പോയി. ഇവിടെ എല്ഡിഎഫ് സ്ഥാനാര്ത്ഥി ജെയ്ക്ക് സി തോമസിന് യാക്കോബായ വിഭാഗം പരസ്യമായി പിന്തുണ പ്രഖ്യാപിച്ചിരുന്നു. 750 വോട്ടിന്റെ ലീഡാണ് പാമ്പാടിയില് എല്ഡിഎഫ് നേടിയിരിക്കുന്നത്. കഴിഞ്ഞ തവണ പാമ്പാടിയില് ഉമ്മൻ ചാണ്ടിയുടെ ലീഡ് 3000 ന് മുകളിലായിരുന്നു. എന്നാല് ഇത്തവണ പാമ്പാടി ഉമ്മന് ചാണ്ടിയെ കൈവിട്ട സ്ഥിതിയാണ്.
