പത്തനംതിട്ട : മുന് മുഖ്യമന്ത്രിയും കോണ്ഗ്രസിന്റെ സമുന്നത നേതാവുമായിരുന്ന ഉമ്മന് ചാണ്ടിയുടെ മൂന്നാം ചരമവാര്ഷിക ദിനാചരണം ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് ജൂലൈ 18 ന് പത്തനംതിട്ട രാജീവ് ഭവനില് നടക്കുമെന്ന് ഡി.സി.സി സംഘടനാകാര്യ ജനറല് സെക്രട്ടറി സാമുവല് കിഴക്കുപുറം അറിയിച്ചു. പുഷ്പാര്ച്ചന, അനുസ്മരണ സമ്മേളനം തുടങ്ങിയ വിവിധ പരിപാടികളും ദിനാചരണത്തിന്റെ ഭാഗമായി നടക്കും. രാവിലെ 10 മണിക്ക് ഉമ്മന് ചാണ്ടിയുടെ ഛായാചിത്രത്തിന് മുന്പില് പുഷ്പാര്ച്ചന നടത്തും. ഉച്ചക്ക് 2.30 ന് രാജീവ്ഭവന് ഓഡിറ്റോറിയത്തില് നടക്കുന്ന ഉമ്മന് ചാണ്ടി അനുസ്മരണ സമ്മേളനം കെ.പി.സി.സി രാഷ്ട്രീയകാര്യസമിതി അംഗം ആന്റോ ആന്റണി എം.പി. ഉദ്ഘാടനം ചെയ്യും.
ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് അധ്യക്ഷത വഹിക്കും. ജില്ലയിലെ എം.എല്.എ മാര്, കെ.പി.സി.സി, ഡി.സി.സി, പോഷക സംഘടാന നേതാക്കള് എന്നിവര് പ്രസംഗിക്കും. ഉമ്മന്ചാണ്ടിയുടെ മൂന്നാം അനുസ്മരണ ദിനാചരണത്തിന്റെ ഭാഗമായി ജില്ലയിലെ ബ്ലോക്ക്, മണ്ഡലം, വാര്ഡ്, ബൂത്ത് കമ്മിറ്റികളുടെ നേതൃത്വത്തില് പുഷ്പാര്ച്ചന, സര്വ്വമത പ്രാര്ത്ഥന, സേവന പ്രവര്ത്തനങ്ങള് എന്നിവയും സംഘടിപ്പിക്കുമെന്ന് ഡി.സി.സി സംഘടനാകാര്യ ജനറല് സെക്രട്ടറി അറിയിച്ചു.
